Home General Influencia di alcohol a hunga un rol riba accidentenan di trafico y...

Influencia di alcohol a hunga un rol riba accidentenan di trafico y problema den famia!

1286
0
SHARE
- Advertisement -

Polis tabata tin un 31 di December super druk:

ORANJESTAD (AAN):  Ya e ultimo siman di aña 2018, riba dia 28 di December, a tuma lugar un accidente cu consecuencianan fatal, na unda un ciclista a fayece. Asina Inspector di Polis, sr. Lito Lacle a menciona den entrevista cu nos redaccion, relaciona cu e parti di seguridad den trafico y otro tipo di sucesonan durante e dianan di fiesta te cu habrimento di aña 2019.

Ademas tabata tin dos persona cu a wordo haya morto. Inspector Lacle a señala cu locual ta remarcable ta e abuso di consumo di alcohol, cu tabata “out of control” segun expresion di e funcionario.

Desde 31 di December man di departamento di trafico tabata completamente yen, y na dado momento nan mester a pidi ayudo di e otro dienstnan pa tambe tuma dalmento, pasobra nan no tabata por atende nan so tur e casonan cu tabata tin. Trabao di KPA durante dia 31 tabata inmenso y nan mester a bay di un dalmento pa otro, esaki fuera di a duna asistencia den casnan di famia unda a surgi problema door di influencia di alcohol.

Locual a destaca durante 2018 y por ripiti den e transcurso di 2019 ta dalmento unda e chofer responsable ta core bay. Sr. Lito Lacle ta kere cu door di e sistema di plachi nobo, e control lo ta mas efectivo durante e aña pasobra e ta obliga e persona cu cumpra un plachi nobo pa tin un seguro cu tur cos mara na dje, y esey ta impedi cu e persona por bay core auto sin seguro.

Como cu e carnaval ta sigui y esaki ta bay ta largo, sr. Lacle a indica cu pa e motibo aki ta importante pa instancianan concerni reuni pa evalua. Ya tabata tin un reunion pa 10 di mainta Diaranzon, y otro siman lo bin hunto pa evalua e fakkel op tocht pa wak kico mester haci pa mehora e siguiente paradanan cu ta bay tin y comunicacion entre e partnernan ta hopi importante. Tin un team di polis preparando pa controla e orden publico, pasobra nan mester take care di e publico tambe.

 

 

 

- Advertisement -

DUNA COMENTARIO

Please enter your comment!
Please enter your name here