Home General Investigacion ta mustra cu e prome biaha cu un hoben a tene...

Investigacion ta mustra cu e prome biaha cu un hoben a tene relacion ta cu su 13 pa 14 aña

93
0
SHARE
- Advertisement -

Jonathan Trinidad di Famia Planea

ORANJESTAD  (AAN):  Jonathan Trinidad di Famia Planea a papia di nan charlanan cu nan ta presenta na hobennan tocante proteccion. Ta papia cu e hobennan pa usa condom ora di tene relacion cu un otro persona pasobra bo no sa cu cuanto hende el a drumi cune y e chens pa pega bo cu malesa ta grandi.

Ta focus pa concientiza e hobennan pa nan ta mas responsabel pa cu nan bida y futuro y principalmente pa cu nan curpa.
Durante nan charlanan cu ta duna na scol y hobennan, e hobennan awendia ta hopi habri den topiconan cu loke bo ta expect, y nan haya berguensa na comienso pero na final di dia bo ta mira cu e charla ta sigui bay y nan ta haci nan pregunta y na final e hobennan por bin cerca nos mas priva y haci preguntanan over su duda cu e tin di loke e ta usando.

Na final di dia ta mirando cu hobennan ta birando mas consciente. No solamente e temporada aki pero durante aña henter famia planea ta focus pa brinda den e charla un tiki tambe over presion di grupo relaciona cu sexualidad, awendia hopi hoben ta sinti nan mes cu nan mester ta den e grupo, y pa participa na dje nan tin cu pasa den diferente prueba cu hobennan y pa cu esey nos ta enfoca e mensahe directamente pa nan no cay den e trampanan aki. E por sona manera bon pero e tin su consecuencianan.

E topico “ Ami ta Dicidi “ durante  e charlanan di Famia Planea nan ta bay cu condom pack y e ta pa mucha homber y mucha muhe, di berdad cu e condom ta pa mucha homber pero awendia ta enfoca e responsabilidad ta pa ambos persona.

Hopi biaha bo ta wak ta bin dilanti cu hopi hende ta kere ta e hende homber cu mester zorg pa e condom pero tin varios biaha net e homber a lubid’e.

Diferente investigacion cu a keda haci  ta mustra cu e prome biaha cu un hoben a tene relacion ta cu su 13 pa 14 aña, asina Jonathan Trinidad di Famia Planea a comenta.

 

- Advertisement -

DUNA COMENTARIO

Please enter your comment!
Please enter your name here