Home General Islanan ABC den porta di crisis mundial severo

Islanan ABC den porta di crisis mundial severo

425
0
SHARE
- Advertisement -

Reino Hulandes no ta reconoce eleccion di Maduro

No ta refugiado so ta topico di dirigentenan politico Reino

ORANJESTAD  (AAN) — Cumpliendo cu su labor periodistico,  DIARIO a sigui e desaroyonan politico na Venezuela.

Na un forma constante a tuma nota y atende informacionnan concreto cu mundialmente tabata mira luz pa describi e situacion nobo cu a surgi no solamente den region Caribense y Latino Americano, pero internacionalmente.

Cu presencia di paisnan na e momento cu el a huramenta, Nicolas Maduro a separa mundo den dos campo.  Por bisa cu mundo liber y paisnan comunista cu ta sosten di Maduro, a presenta un cuadro cu ta confirma tur informacionnan concreto cu DIARIO a presenta na publico di Aruba durante e ultimo lunanan.

Si ta custumber cu Reino Hulandes ta ser representa dor di Minister Presidente di paisnan den Caribe pa instalacionnan di presidente den e region, den e caso aki esey no tabata e caso. Tampoco embahada di Hulanda a presenta su mes na e ceremonianan, caminda por tabatin empleado Hulandes presente.

Como parti di Europa, Hulanda no ta reconoce e eleccionnan cu Maduro a uza pa huramenta ayera atrobe como presidente. Europa tambe ta reconoce e eleccionnan di Parlamento di Venezuela, cu awor mester asumi un posicion politico clave.

E momento cu Maduro a huramenta como presidente a marca e situacion diplomatico grave den e region Caribense y Latino Americano, cu ta completamente parti den dos grupo.

Europa a bisa cu e ta keda habri pa dialogo pa por yega na un solucion pacifico pero cu e ta mantene sancion cu mester yuda debolbe democracia na e pais.

Hulanda a demostra di ta tene na consideracion e bienestar di e parti di Reino Hulandes den Caribe y na forma special e islanan ABC, cu ta directamente dilanti di costa Venezolano.

Den e dianan venidero por spera mas desaroyo importante den cual lo ta central e posicion di Asamblea Nacional di Venezuela, cu tin sosten di mundo liber mientras no ta reconoce Nicolas Maduro como Hefe di Estado di Venezuela.

Informacionnan cu DIARIO tin ta mustra cu tin contacto entre gobernantenan den Reino den e situacion nobo cu a surgi.

Ya no ta trata di refugiadonan Venezolano y problema cu esaki ta trece pa e paisnan ABC, pero situacionnan diplomatico importante y sancion na cual Reino Hulandes ta mara.

Mester tene siguridad di e pais na consideracion mescos cu tur otro aspecto den un situacion, cu manera DIARIO corectamente a anuncia, ta pone un crisis mundial den porta di Aruba.

- Advertisement -

DUNA COMENTARIO

Please enter your comment!
Please enter your name here