Home Politica Ley pa deportistanan haya algun ora pa dia liber, 4 pa 6...

Ley pa deportistanan haya algun ora pa dia liber, 4 pa 6 siman prome cu ta bay competi den exterior

87
0
SHARE
- Advertisement -

Endy Croes kier bin cu

ORANJESTAD  (AAN): Diaranzon durante e conferencia di prensa di MEP, parlamentario Endy Croes a papia di un mocion di deporte cu a wordo pasa riba 14 di December, ora cu tabata trata e presupuesto di 2019.

“Actualmente tin e comision di subsidio cu tin cierto exigencianan, pa loke ta entrenadornan di nivel cu por prepara un plan di entrenamento, primordialmente pa ora cu bo ta bay un competencia internacional”.

“Na e manera ey bo por bin na remarke pa bo seleccion haya fondo”.

“Na Aruba lamentablemente nos no tin suficiente hende capacita ainda den tur deporte cu por prepara un plan di entrenamento”.

“Door di esey, comision di subsidio pa algun aña caba mes tabata hasi cierto tramitenan pa e federacionnan cu no tin un hende full prepara, pa bin cu uno pa hasi e trabao, unda cu poco poco e persona local lo tuma over, despues di ricibi guia for di e profesional di exterior”.

Esaki segun Croes, kende a indica cu den ultimo aña y mey e comision di subsidio a cambia un areglo, unda cu awor e presion a bin riba e federacion.

Mayoria hende cu ta traha na e federacionnan ta hasi esaki na un manera boluntario, despues di nan trabao normal di 8 ora.

Segun Croes, ta full un trayecto nobo e federacionnan tin cu cana y esaki ta pone hopi presion riba nan.

El a sigui bisa cu e mocion entrega na December ta pidi pa e minister en cuestion Dangui Oduber percura pa ahusta articulo 30 di e reglamento di subsidio, pa hala esaki bek aden y hiba un maneho, unda cu e comision di subsidio mes ta hasi e tramite y peticionnan comokiera cu nan tin e plataforma y e recursonan humano pa duna un contenido y asistencia real na deporte den su totalidad.

E parlamentario kier purba logra bin cu un ley di deporte of ahusta e ley cu tin caba, cu tin di haber di viahamento di atleta y deportistanan pa exterior, unda cu nan tin cu competi internacionalmente.

Croes a splica cu segun e ley existente hopi deportista ta haya liber di trabao pa representa nos pais, pero apenas pa duracion di e torneo of competencia.

Den un ley nobo Croes kier wak cu ta bin mas espacio pa e atleta prepara su mes mihor pa e competencia.

E intencion ta cu pa un periodo di quizas 1 luna prome cu e competencia internacional, e deportistanan haya un cantidad di ora pa dia liber, pa nan prepara nan mes mihor.

Actualmente ta asina cu e deportista cu ta trahando ta yega cas di trabao por ehempel 6’or di atardi y ainda despues e tin cu bay veld pa entrena pa por representa Aruba dignamente despues.

Croes ta propone cu entre 4 pa 6 siman prome cu e competencia, e deportistanan 3 biaha pa siman haya 4 ora pa dia liber cu pago, pa prepara pa e competencia.

Asina lo por competi mihor contra e otro paisnan cu si tin e tipo di areglonan aki.

Durante 2019 esaki ta bay wordo trata, segun e parlamentario, kende a indica cu esaki mas tanto ta bay ta pa trahadornan den Gobierno of den companianan estatal, pero e intencion ta pa bin cu un manera pa esnan cu ta traha den sector priva tambe.

- Advertisement -
SHARE
Previous articleBeatrix Leong-Dirksz
Next articleAntonio Gomez

DUNA COMENTARIO

Please enter your comment!
Please enter your name here