Home General Maduro no tin poder unilateral riba CITGO

Maduro no tin poder unilateral riba CITGO

504
0
SHARE
- Advertisement -

Regla democracia internacional lo afecta Aruba tambe

 Confrontacion Congreso y Presidente nucleo instabilidad

Mundo liber ta acepta Congreso y ta rechasa Maduro

 

ORANJESTAD (AAN) — E resultado mas importante di e instalacion di Nicolas Maduro como Presidente di Venezuela, ta e decision di Congreso di Venezuela cu no ta sostene decisionnan di Maduro. E sistema democratico di Trias Politica ta exigi cu Presidente di Venezuela mester di aprobacion di e Congreso pa por tuma decisionnan. Dos decision cu Maduro a tuma hasta prome cu su periodo como presidente eligi di e pais te dia 10 di januari, a ser rechasa pa Parlamento.  Esaki ta nifica directamente cu for di awe Nicolas Maduro, cu mundo liber no ta acepta como presidente di e pais, no por dicidi riba CITGO sin pidi permiso di Congreso cu por actua.

 

Un di e resultadonan directo di e desaroyonan na Venezuela y e instalacion di Nicolas Maduro como presidente di e pais, lo afecta Aruba tambe y crea mas confusion y instabilidad entorno CITGO.

Segun reglanan democratico, Congreso Venezolano a ser eligi dor di Pueblo durante eleccion. Siman pasa e congreso cu Nicolas Maduro no a acepta, a presta huramento y a duna inicio na su labor.

E siman aki nan a rechasa acuerdonan cu PDVSA a firma cu companianan Mericano y Frances pasobra nan no a haya nan aprobacion como legisladonan di Venezuela prome cu a yega na e acuerdonan.

A trece dilanti cu e acuerdonan cu PDVSA a firma a viola articulo 150 di Constitucion Venezolano, cu ta exigi pa contractonan cu estado Venezolano firma cu exterior ser aproba pa Asamblea Nacional. Di tal forma e acuerdonan no ta legal segun Congreso di Venezuela.

Den e contracto Maduro lo a haci concesionnan cu ta bay contra ley, segun legislado Jorge Millan.

Congreso a perde su poder for di 2016 ora oposicion a haya mayoria, pero den e situacion nobo ta spera cu sigur riba tereno internacional lo tin cambio.

Den e acuerdonan cu a firma e dos companianan lo a hinca casi un Biyon pa haya participacion den empresanan comun cu Venezuela.

E acto di Congreso a haya mayor luz den e situacion mundial nobo.  For di 10 di januari 2019 mundo no ta reconoce Maduro mas como presidente cu pueblo di Venezuela a eligi na forma democratico.  Esaki tin resultado riba tereno internacional legal.

Maduro por nenga di reconoce Congreso, manera a pasa ora el a huramenta como presidente y e realidad nobo di Venezuela a bin dilanti. Mundo liber no a haci acto di presencia como muestra di rechaso.

 

RESULTADO

PA FUTURO

CITGO

Mundo liber lo evita di comete un acto, den cual e lo opone Congreso di e pais cu si a ser eligi segun reglanan di democracia pero a ser nenga su posicion dor di Maduro.

Si un acuerdo bira motibo pa desunion legal internacional, mester tene cuenta cu Congreso y Constitucion di e pais. Esaki ta haci acuerdonan cu Maduro sumamente dificil y paisnan lo ta sumamente cauteloso pa hinca nan mes den tal situacion.

Den e proyecto na Aruba tampoco Maduro por mara Aruba como presidente cu Reino no a acepta.  PDVSA no por actua bou orden di Maduro.

Na momento cu un pais yega na un acuerdo cu PDVSA a base di loke Maduro dicidi sin scucha Congreso, problema serio por surgi manera a pasa awor cu e dos companianan cu a yega na un areglo prome cu e termino nobo rechasa di Maduro.

Aruba mester haya un contesta oficial di estado Venezolano si e ta continua cu e proyecto na Maart. Na e momento e pais Venezuela lo mester duna un contesta.

Si acepta e decision di Maduro y mas ainda neglisha Congreso Venezolano, problema lo surgi. Mester tene cuenta tambe cu sancion internacional contra dirigentenan di PDVSA y CITGO nombra dor di Maduro, manera e realidad imparcial y solamente basa riba hecho ta confirma.

E instabilidad di CITGO a drenta un dimension nobo den cual no ta caso cu Congreso ta pro of contra e refineria, pero den cual mester acepta e papel di Congreso y no por reconoce Maduro como autoridad di Venezuela.

- Advertisement -

DUNA COMENTARIO

Please enter your comment!
Please enter your name here