Home General Marc Figaroa a worde nombra director nobo di Aruba Ports Authority

Marc Figaroa a worde nombra director nobo di Aruba Ports Authority

558
0
SHARE
— Ministro Dangui Oduber felicitando Marc Figaroa.
- Advertisement -

ORANJESTAD (AAN): Despues di un proceso habri y transparente cu a tuma varios luna minister Dangui Oduber a tuma e decision di nombra sr Marc Figaroa como proximo director di APA NV.

Marc Figaroa tin un Master Degree den Business Administration y a specialisa den aviacion. Despues di a caba Colegio Arubano, el a sigui su estudionan na Daytona Beach, na Merca. E tin 13 aña trahando na Aruba Airport Authority NV y pa 11 aña e ta den e funcion di “Commerce Manager” encarga cu henter e maneho comercial na e Aeropuerto di Aruba.

Bao e maneho di Marc Figaroa, Aruba Airport Authority a gana premionan internacional, debi na e prestacion di e Aeropuerto, satisfaccion di clientenan, ademas sin lubida e parti di aviacion. Bou su maneho e entradanan di Aeropuerto tambe a conoce un crecemento drastico den e ultimo decada. Marc a demostra di tin e experiencia, conocemento y capacidad pa eherce e funcion importante aki. Minister Oduber ta contento cu e escogencia aki y asina ta duna un Arubiano hoben e oportunidad aki.

Minister Dangui Oduber ta desea sr Figaroa tur clase di exito den su reto nobo na waf.

- Advertisement -

DUNA COMENTARIO

Please enter your comment!
Please enter your name here