Home General Merca ta reconoce Congreso y no ta reconoce Maduro

Merca ta reconoce Congreso y no ta reconoce Maduro

168
0
SHARE
- Advertisement -

Baluarte economico di Aruba cu reaccion fuerte

 *Sostenedonan Maduro a horta mas cu 2.4 Biyon di pueblo

*Mas sancion contra grupo di Maduro por ser spera

 

ORANJESTAD  (AAN) — Importante pa Aruba na e momentonan aki ta, e posicion di Merca den e desaroyonan na Venezuela. DIARIO a sigui directamente e sistema di comunicacion di Merca pa asina tuma nota kico por spera di e aliado di baluarte economico di Aruba, Merca, e mercado turistico di Aruba. Poco rato despues cu Maduro a huramente como presidente, DIARIO a tuma nota di e decision cu Merca no ta reconoce Maduro como presidente y cu Merca ta sostene Asamblea General (Parlamento) di Venezuela.

E declaracion pa prensa, emiti dor di Secretario di Estado di Merca a ser pasa pa mundo tambe dor di e Cuerpo Diplomatico di e pais.

A ser treci dilanti cu Merca ta condena e ladronicia di poder dor di Maduro pa medio eleccionnan cu no tabata liber ni husto y cu el a impone riba pueblo di Venezuela dia 20 di mei 2018.

Merca ta sostene e pueblo di Venezuela y lo uza e peso di poder economico y diplomatico pa asina alcansa democracia bolbe Venezuela.

Merca a confirma su sosten na e Asamblea General di Venezuela, cu ta e unico organo cu a ser eligi na forma legitimo dor di pueblo di Venezuela.

E momento a yega pa Venezuela duna inicio na un proceso di transicion pa debolbe e pais e orden constitucional y democratico pa medio di eleccion liber y husto., cu ta repeta e deseo di pueblo di Venezuela.

Pa por alcansa su meta, Merca a tuma accion agresivo contra regimen Maduro y personanan cu ta sostene. Dia 8 di Januari a implementa sancion riba shete individuo y 23 entidad cu ta parti di e escena di corupcion pa abusa e practicanan di cambio di moneda.

Merca ta acusa e sostenedonan di Regimen Maduro di asina a horta mas cu 2.4 Biyon di pueblo Venezolano y Merca lo continua cu su accionnan pa pone un fin na esaki.

Merca lo sigui kita visa dor di e grupo sostenedo di Maduro y lo introduci y sigui cu restriccion contra e actual y anterior gobernantenan di Venezuela y nan miembronan di famia. Nan lo ta responsabel of complice di abuso di derechonan humano, actonan di corupcion publico y opresion di gobernacion democratico.

Estados Unidos lo no permiti nan actua sin carga consecuencianan of gosa di fondonan cu nan no a haya na forma limpi den Estado Unidos y ta pidi otro paisnan pa sigui e ehempel aki.

A mustra cu e ora a yega pa lidernan Venezolano dicidi  kico nan kier.  E ta pidi personanan cu ta sostene Maduro pasobra nan ta cuminda subsidia te e forsa di siguridad cu a presta huramento pa sostene e constitucion,  pa stop di permiti opresion y cuminsa traha hunto cu Asamblea Nacional y su lider eligi, Juan Guaido, di acuerdo cu Constitucion pa bolbe na forma pacifico na democracia.

E comunicado ta termina bisando cu pueblo di Venezuela y comunidad internacional lo recorda y husga accion actual di Venezuela cu mester convence dictadura di Maduro cu e momento pa democracia bolbe na Venezuela, a yega.

- Advertisement -

DUNA COMENTARIO

Please enter your comment!
Please enter your name here