Home Gobierno Minister Dangui Oduber a anuncia y splica kico e proyecto Port City...

Minister Dangui Oduber a anuncia y splica kico e proyecto Port City Aruba ta encera

43
0
SHARE
- Advertisement -

ORANJESTAD (AAN) – Durante su participacion den conferencia di prensa di Diahuebs, Minister di Turismo sr. Dangui Oduber, a bolbe menciona e proyecto “Gateway 2030”, cu ta encera e renovacion y ampliacion di Aeropuerto Reina Beatrix, cu ta tumando lugar, y cu lo costa 275 miyon dollar.

Un proyecto cu ta bay wordo realiza den cuater fase pa un periodo di cuater aña. Banda di esaki e dignatario a anuncia e proyecto di Port City Aruba.

Despues cu e container haven a muca pa Barcadera a keda un espacio habri unda tambe tabata ubica e zona liber, cual ta e ultimo area den Oranjestad cu por conoce un desaroyo.

E ta un area hopi bunita y atractivo y di hopi balor pasobra e ta dilanti lama.

E mandatario a menciona cu e gobierno actual a hereda un plan di e gobierno anterior, riba cual a haci algun cambio, y a tuma un aña largo na delibera y discuti kico tur lo por haci cu e area aki, prome a tuma un decision, y a realiza diferente investigacion y scucha diferente partner den e comunidad, y finalmente a yega na un decision di desaroya un master plan, un plan integral cu lo bira un inversion di sector priva di casi 500 dollar. E ta bira un desaroyo mixto, un plan urbano cu lo tuma entre cinco pa diez aña.

E enfasis den e proyecto aki ta pa crea espacionan habri pa nos comunidad, pa famianan por haci uso di e espacionan aki. Lo bin cu un hardin botanico riba e tereno aki, y lo crea un boardwalk desde e terminal di crusero te cu Tamarijn, pa comunidad y bishitantenan por haci uso di dje.

Ex Bushiri Beach lo wordo drecha, y lo bira un beach publico unda lo crea facilidadnan eynan, y lo crea un area pa concierto Harbor Arena, cu ta wordo hopi uza pa actividadnan y aworaki pa esnan di carnaval.

Tambe lo bin cu un centro di convencion, y Boutiques Hotels cu no mas di 75 camber cu ta un escala hopi chikito y hopi exclusivo. Esaki tambe ta e vision di Ministerio di Turismo pa e tereno di APA aki.

Tin den planning cuminza na e di tres cuartal di aña 2019 y den e momentonan aki tin  combersacionnan ta tumando lugar cu e departamentonan concerni di gobierno, pa e prijs di lote pasobra e proyecto aki lo bay genera entrada pa caha di gobierno, lo crea hopi empleo y lo contribui cu nos DGP y e desaroyo economico cu Aruba tin mester na e momentonan aki pa por surpasa tur e retonan financiero cu nos pais tin.

- Advertisement -

DUNA COMENTARIO

Please enter your comment!
Please enter your name here