Home General Minister Dangui Oduber tambe ta desapunta cu gerencia di Triple A NV

Minister Dangui Oduber tambe ta desapunta cu gerencia di Triple A NV

46
0
SHARE
- Advertisement -

Segun Diego de Cuba:

ORANJESTAD (AAN) – Dialuna di e siman aki, Presidente di Sindicato di Trahadornan di Aruba (STA), sr. Diego de Cuba, a reuni cu Minister di Turismo, Salud y Deporte sr. Dangui Oduber.

E reunion tabata relaciona cu e dilema cu tin na Triple A tocante e fondo di pension.

E mandatario a wordo splica cu no ta importa e sindicato si gerencia di AAA a firma cu Guardian Group, y kibra esaki y firma cu APFA si tin mester.

“Esey tabata ayera, nos peticion na e minister. E minister ta hopi desapunta cu gerencia di Triple A NV, pasobra a sabiendas cu nan ta na mesa cu Mediador di Gobierno, a bira tira un puñal na lomba di e empleadonan, formando e acuerdo aki cu Guardian Group”, Diego de Cuba a duna di conoce.

De Cuba a señala cu no ta prome biaha cu trahadornan ta wordo traiciona door di gerencia di Triple A. “Mi ta spera si, cu esaki ta ultimo biaha cu e ta sosode. E ta algo di lamenta profundamente. Nos ta hayando sosten di mayoria di nos hendenan di aeropuerto cu ta bisa cu ‘awor si e ta basta’”!

E sindicalista a indica cu tin trahador cu tin riba 17 aña di servicio y cu ta bisa cu nan a warda asina hopi y cada bez a tira awa den e biña y aworaki nan ta haya nan mes den un situacion unda cu Gerencia a bulldoze un decision, sin pone un votacion De Cuba a subraya kico ta un director democratico, berdaderamente un ser humano, y a referi na Ir. Edwin Jacobs, director di Sociale Verzekeringsbank, pa ken e ta kita su pechi, cu a duna tur clase di cooperacion.

“Aki bo ta mira un diferencia entre un maneho di un director yiu di tera y un director stranhero”, e sindicalista a subraya.

E directornan local ta sinti pa e pais aki. “Pero e persona aki cu ta cu triple A NV, ta ki donder e tin cu’nes? Nan ta yena nan saco y bula bay. Si nan sa cu APFA ta costa nan un par di miyon mes pa aña, nan ta prefera di laga e trahadornan muri stik eybo cu e otro fondo di pension, pasobra mas placa nan genera, mas placa nan ta yena den nan saco”, segun Diego de Cuba.

Diego de Cuba a expresa cu STA ta lamenta loke Triple A a haci, masha hopi mes.

 

 

- Advertisement -

DUNA COMENTARIO

Please enter your comment!
Please enter your name here