Home General Minister Presidente a splica kico ta e cambionan riba Invoerrechten y Accijns

Minister Presidente a splica kico ta e cambionan riba Invoerrechten y Accijns

200
0
SHARE
- Advertisement -

Den e Reforma Fiscal prome etapa:

ORANJESTAD (AAN) – Otro cambio cu a bin acerca, relaciona cu e Reforma Fiscal, ta esun di invoerrechten Accijns.

Minister Presidente mr. Evelyn Wever-Croes a elabora al respecto den conferencia di prensa semanal di gobierno, Dialuna.

Ta trata aki di e impuesto riba tabaco y alcohol. E mandatario a splica e filosofia cu tin tras di esaki. Gobierno su punto di bista ta cu esun cu ta uza mas tabaco y ta consumi mas alcohol, ta causa mas gasto pa gobierno, ta ocasiona mas daño na su salud, y door di maneha auto bao di influencia ta causa mas accidente di auto. Personanan cu ta bao influencia di alcohol tin biaha ta causa violencia domestico, y tur esaki ta ocasiona gasto y tur esaki ta trece mas gasto pa gobierno.

E mandatario a elabora tocante prijs. Un boter di whisky, rum, ponche crema, etc., su prijs lo subi cu 7 florin. E dignatario a indica cu si parti e boter den shots of den glas, e drink aki ta suppose di subi cu 35 pa 50 cen depende di cuanto shot ta saca di un boter. Kiermen un bebida lo por bira 35 pa 50 cen mas caro y no e sumanan exorbitante cu a cuminza wordo menciona.

Encuanto biña, tambe ta un tarifa cu a aumenta y un kelki di biña por bira 5 pa 6 cen mas caro. Esaki ta e impuestonan cu ta subi, mientras cu di otro banda ta baha loonbelasting, inkomstenbelasting y grondbelasting, e dignatario a subraya.

Pa conclui, Prome Minister a reitera: 30 mil persona lo no paga inkomstenbelasting y loonbelasting mas, 25 mil persona lo paga menos, y 12 mil hende lo no paga grondbelasting mas, mientras cu 16 mil ciudadano lo paga menos. Pues, esaki ta e cambionan den belasting cu ta bin cu e Reforma Fiscal.

“Mi ta haci un apelacion na comunidad pa nos coopera cu e cambionan aki mas tanto posible, no abusa di nan, no abusa e prijs di e bebidanan aki sin cu ta necesario, nos por compronde cu comerciantenan mester saca nan gastonan pero tampoco exorbitantemente halto y trece spanto pa comunidad di esaki” Prome Minister mr. Evelyn Wever-Croes a señala.

- Advertisement -

DUNA COMENTARIO

Please enter your comment!
Please enter your name here