Home Hudicial Ministerio Publico di Aruba ta bay investiga loke Norman Serphos a haci...

Ministerio Publico di Aruba ta bay investiga loke Norman Serphos a haci riba Facebook

1035
0
SHARE
- Advertisement -

ORANJESTAD (AAN): Tabata dia 4 di December di aña pasa, cu un ciudadano na Curacao a pone algo riba Facebook como un sorto di contesta pa Vocero di Ministerio Publico di Curacao, esta Norman Serphos.

   E ciudadano ta Wladimir Alberto.  Pa malasuerte, Wladimir algun siman despues a fayece den un accidente tragico riba Juliana Brug.  E accident a pasa dia 20 di December 2018.

Despues di e accident, vocero Norman Serphos a comenta di un manera insolente riba e post original di e persona dia 4 di December.  Serphos a haci esey usando su account priva di Facebook.

Pueblo di Curacao a reacciona furioso riba loke el a skirbi.  Diripiente e mesun dia Serphos a bin cu e storia, cu e mes no a post e comentario, y cu supuestamente hende a hack su account y ta otronan a pone e comentario usando su nomber.

Serphos a hasta bay haci denuncia na polis di e hecho cu a hack su account di Facebook.

Net prome cu aña caba, a resulta cu ta Serphos mes a post e comentario riba e pagina di Facebook di Wladimir Alberto.

Ministerio Publico di Curacao ta lamenta e manera cu cosnan a bay den e caso aki. No solamente pa e famianan di e defunto Alberto, pero tambe con comunidad a worde afecta.

Ministerio Publico como dunado di trabao ta para tras di su trahadornan den caso cu nan derechonan worde trapa, y na prome instante a kere cu esaki tabata e caso. Ministerio Publiko ta exigi hopi di su trahadornan cu diariamente ta traha bao di presion y sa pasa cu tin biaha tin atake riba nan bida personal. Di otro un banda ta exigi si cu e trahadornan ta integro, transparente y honesto.

Lamentablemente den e caso aki, esaki no a sosode.  Riba Diaranzon 2 di Januari 2019, Procurador General a prohibi Serphos entrada na e edificio y sistemanan di Ministerio Publico y a duna di conoce cu Ministerio Publico lo haci peticion di retiro na Minister di Husticia y na Gobernador.

Den e proximo dianan lo finaliza e investigacion penal pa cu e conducta di Serphos.  A ser splica cu ta Ministerio Publico di Aruba lo haci esaki.

DIARIO a haya sa cu famia di defunto Wladimir Alberto tambe a entrega un keho contra di Serphos. Entretanto Fiscal Mayo a tene un combersacion cu nan dia 28 di December 2018, na momento cu ainda no tabata conoci cu Serphos mes a pone e comentario riba Facebook. Riba termino cortico lo atende cu e keho aki i resultadonan lo keda comparti cu famianan.

Awor pa 2019, ta Roderick Gouverneur lo fungi como vocero di Ministerio Publico na Curacao.

- Advertisement -

DUNA COMENTARIO

Please enter your comment!
Please enter your name here