Home Social Papia tocante educacion sexual ainda ta un tabu na Aruba

Papia tocante educacion sexual ainda ta un tabu na Aruba

50
0
SHARE
- Advertisement -

Segun mayornan di entre 45 y 60 aña

ORANJESTAD (AAN):   Ainda tin un grupo di mayornan, di entre 45 pa 60 aña ta sinti cu e educacion sexual ta keda un tabu na Aruba. Ariba esaki a combersa cu Jonathan Trinidad, di Fundacion Famia Planea ta splica mas ariba esaki.

Loke semper Fundacion Famia Planea ta purba di trece dilanti ta cu ta concientiza mayornan cu tin ora influencia di afo ta haci cu informacion ta yega na e hoben of e mucha mas lihe cu e mayornan mes. Den e caso aki, no tur ora informacion corecto ta yega na e hoben mas prome cu e mayornan mes ta introduci e topico.

Semper nan ta bisa cu e proceso di crecemento, di pubertad y tambe di sexualidad ta tuma su tempo pa wordo introduci como un topico na cas, basicamente. Esaki por cuminsa cu detayenan chikito, manera splica dicon cambionan den curpa y splica dicon el a haya cabey bou di brasa.

Y den transcurso di tempo, e mayor mes lo observa con e yiu ta desaroya, y asina evalua pa papia un poco mas di anticonceptivo, ya cu p.e., tin rumannan mas grandi, cu ta tene relacion cu su pareha, ta sunchi. Tin diferente cos cu sin cu nos sa ta manda un señal pa e mucha, y na final di dia e ta keda cu pregunta. Y den casonan asina, tin dos opcion. E ta busca contesta of basicamente e ta puntra rond pa

e contesta y no ta tur ora e ta necesariamente esun corecto.

Sea abierto cu e yiunan. Corda cu Famia Planea ta ofrece charlanan priva, e mayornan por bin prome, siguientemente e mucha. Atrobe, adapta na e edad di e mucha ta introduci e topico necesario y asina tur dos ta ariba e mesun liña tambe, cual informacion, e uzo di proteccion, etc.

Te ainda tin mayornan cu awendia ta biniendo Famia Planea cu nan yiunan. Tin ta busca informacion prome, pa nan mes duna e yiunan den e caso aki, pa fortalece e relacion di confianza di e mayor cu e yiu. Si e mayor no ta sinti su mes prepara, semper corda cu Famia Planea t’ey y nan por ofrece e informacion na e mayor y finalmente na e mucha. Y hasta e ora ey, tur dos hunto.

Pa un tata no ta facil pa duna un paki condom na nan yiu. Pero esaki ta bon pa tur hende, ya cu e ta preveni un dolor di cabes. Sea ta malesa of un embarazo hubenil. Hopi biaha ta bisa cu no ta pasobra e condom ta obtenibel, e ta un señal pa nan bay tene relacion sexual prome cu tempo. Pero e ta pa nan sa cu na final di dia, nan sa cu nan a hay’e na scol, mi mayor a papia di dje, mi tin’e den mi tas, miho uz’e.

E yamada ta bay pa mayornan pa nan tambe yuda ariba e parti di prevencion. Por papia cu e yiu, pero ta e yiu ta esun cu ta tuma e decision ariba caya. Den un rato, ta hopi cos ta pasa. P’esey e mayornan mester tin un responsabel pa yega na e fundacion na Vondellaan.

E ta basicamente y ta p’esey tambe e tema of e tres palabranan ‘T’ami ta dicidi’ ta bay tambe den e parti di un scol basico. Aunke nan ta chikito, ora cu tentacionnan ta presenta nan mes, un mucha hoben, mester por tuma un decision.

Esey ta loke hopi biaha ta purba splica e mayornan. Por duna informacion, campaña, pero na final di dia, ta e mucha ta dicidi. Y e mayor ta e guia pa un miho cuminda. Y e diferente educadonan cu tin den comunidad. Mester ta consciente cu e muchanan ta pasa oranan largo na scol. Tin tambe e ‘in school’ of ‘ out of school program’, manera Trai Merdia.

Tambe ta haya muchanan cu ta na cas of at keda na cas di welo. Den esaki ta e mayornan ta hunga un rol grandi. Pero e educadornan , docente di scol, join hunto cu e mayornan, por wak cu e mensahe por yega mas leu den e hoben su pensamento, y yud’e den su pensamento y desaroyo.

 

- Advertisement -

DUNA COMENTARIO

Please enter your comment!
Please enter your name here