Home Deporte Para-atletanan di Aruba a cualifica pa e weganan ParaPan Americano Peru 2019

Para-atletanan di Aruba a cualifica pa e weganan ParaPan Americano Peru 2019

305
0
SHARE
- Advertisement -

ORANJESTAD  (AAN):  DIARIO a haya e tremendo noticia for di Coach Luciano Mazzeo cu e atletanan Paralimpico, Yurwin Gomes, Gregory Cheong y Elliott Loonstra a clasifica pa e Weganan ParaPan Americano na Lima, Peru e aña aki.

Tur tres Para- atleta lo ta representando Aruba internacionalmente den nan deporte respectivo. Para-atleta Yurwin Gomes lo competi den Para-atletismo den e disciplinanan di 100 m y 200 m sprint.

Ta bon pa remarca cu Yurwin Gomes a logra su cualificacion den oktober, 2018 na e competencia di Abiertos Nacionales na Baranquilla, Colombia. 

Para-atleta Gregory Cheong lo competi den Para- Powerlifting den categoria te cu 80 kg.

Gregory Cheong a logra su cualificacion na december, 2018 na e competencia di World Para Powerlifting Americas Open Championship.

 

 

 

 

 

Para-atleta Elliott Loonstra lo competi den Para-Taekwondo den categoria K44 +75kg. Elliott Loonstra a logra su cualificacion na juni, 2018 na e competencia di Pan Am Para Taekwondo US Open Championship na Washington, USA. 

DIARIO ta expresa palabranan di hopi pabien na Yurwin, Gregory y Elliot cu nan cualificacion y ta desea nan hopi exito.

 

- Advertisement -

DUNA COMENTARIO

Please enter your comment!
Please enter your name here