Home Deporte Parlamentario Endy Croes a bay felicita famia Irausquin cu e bunita apertura...

Parlamentario Endy Croes a bay felicita famia Irausquin cu e bunita apertura di Rancho Bello Amanecer 

213
0
SHARE
- Advertisement -

ORANJESTAD (AAN) – Parlamentario Endy Croes a asisti na e gran apertura di Rancho Bello Amanecer cual a tuma lugar dia di Betico esta 25 di Januari ultimo. Despues di a haya permisonan necesario di OCA pa asina por a organiza un competencia internacional di cabay e lider di e proyecto Anthony Irausquin a inicia cu trabaonan duro pa prepara e ring di competencia.

Den 4 luna d tempo a percura pa comberti e Racho Amanecer den un hoya di proyecto. Claro cu Anthony tabata tin un equipo di amigonan fantastico di trabou kendenan a brinde tur ayudo pa por a bin cla cu e ring di competencia na tempo.

Siguramente e gratitud necesario pa diferente companianan tambe cu a contribui di un of otro forma pa hasi esaki posibel. Dia di Betico den oranan laat di atardi a tuma lugar e apertura oficial unda Anthony Irausquin a hiba palabra mientras Brigitte Werleman presidente di OCA tambe a hiba palabra.

Despues a sigui un parti official unda pastoor Jairo Maduro a bautisa e rancho y e ring di competencia. Parlamentario Endy Croes a continua representando Minister di Deporte Danqui Oduber a hiba palabra felicitando henter e famia Irausquin,  e motor Anthony y su team di amigonan kendenan a traha incansabel pa logra e projecto.

Finalmente a desvela dos borchi como sorpresa. Anthony Irausquin a duna e ring di competencia den presencia di su mayornan e nomber di Complejo Deportivo Equino Juancho Irausquin ( nomber di su querido Tata) y e Food & Beverage area a haya e nomber di Sofia Bar & Grill ( nomber di su querida Mama).

Dianan 25,26,27 di Januari Rancho Bello Amanecer tabata carga cu fanatico den un ambiente unico pa cu e promer competencia internacional di aña 2019 pero alaves e promer competencia teni riba e ring y na e Rancho aki.

Parlamentario Endy Croes den nomber di gobierno di Aruba ta felicita famia Irausquin cu e logro aki y ta yama danki na tur cu di un of otro forma a hasi esaki posibel.

- Advertisement -

DUNA COMENTARIO

Please enter your comment!
Please enter your name here