Home Politica Parlamentario Endy Croes kier mira un sistema unda cu comerciantenan no mester...

Parlamentario Endy Croes kier mira un sistema unda cu comerciantenan no mester bay busca stempel na Belasting

217
0
SHARE
- Advertisement -

ORANJESTAD (AAN): Durante e conferencia di prensa di fraccion di MEP di tur Diaranzon, Parlamentario Endy Croes a papia di cierto cambionan cu lo por hasi bida mas facil pa comerciantenan, ora cu nan tin cu paga cierto sumanan di loonbelasting, AOV, BBO etc.

“Bo por paga esakinan online y esaki ta facilita e sistema, pero toch te cu awe prome cu dia 15 di cada luna bo tin cu pasa na Servicio di Impuesto pa para den rij y tuma un stempel”.

“Como parlamentario nos a cuminza hasi pregunta riba dje y ta bay Sali algun email e siman aki ainda”.

“Ta 2019 y nos ta sinti cu hopi mas por wordo hasi, mirando cu tecnologia ta asina avanza”.

Esaki segun Croes, kende a indica cu lo ta prudente pa regle di tal manera cu una vez bo paga online, bo por hasi cierto transaccion sin cu bo mester bay busca e stempel.

“Mundo ta moderno y e tecnologia tey, pues mi ta kere cu den e coalicion aki nos trabao ta pa facilita e pueblo”.

Esaki segun e parlamentario, kende a bisa cu e ta kere cu esaki lo evita hopi fila di tuma lugar y crea espacio pa e departamentonan concerni hasi otro tipo di trabaonan.

Croes a sigui bisa cu e ta spera cu den futuro por paga number di auto online y despues djis pasa busca esaki

- Advertisement -

DUNA COMENTARIO

Please enter your comment!
Please enter your name here