Home Deporte Patrick de Roo a score 7 punto for di 7 partido den...

Patrick de Roo a score 7 punto for di 7 partido den Copa Betico Croes den ajedrez

22
0
SHARE
- Advertisement -

ORANJESTAD (AAN) – Den weekend cu ta tras di lomba, a tuma lugar e acostumbrado Copa Betico Croes den clubhuis na Nieuwstraat 11, Oranjestad.

E torneo aki a wordo hunga den 3 categoria.

Un categoría U-12, unda muchanan bow di 12 aña so por participa.

Akiden a participa un total di 15 mucha.

Campeon absoluto a bira Patrick de Roo. Patrick a score 7 punto for di 7 partido.

Den boys a sali na di 2 lugar Kian Ng. Kian a score 4 ½ punto for di 7.

Na tercer lugar den Boys a termina Gillian Croes. Gillian a score 4 punto.

Den Girls under 12 years, a termina na promer lugar Sylvi Cabral.

Sylvi a score 5 punto for di 7 partido. E la termina den algemeen klassement na di 2 lugar, tras di Patrick.

Na segundo lugar a keda Mary-Jane Bueno cu 4 punto y tercer lugar Giandra Croes cu 3 ½ punto.

Best under 10 years a bay pa Santiago Rodrigues. Santiago tin 7 aña di edad.

Y Best under 8 years a bay pa Bryce Lockhart. Bryce tambe tin 7 aña di edad.

Den categoría U-18, a participa un total di 13 hungador.

Na promer lugar tawata tin un empate entre Thamara Sagastegui y John A. Tromp.

Ambos a termina cu 4 punto for di 5 partida.

Thamara tawata tin contrincantenan mas duro y a keda na promer lugar.

Na tercer lugar a termina Aimara Ballestero.

Best player under 16 years a bay pa Lesley Cielo. Y best player under 14 years a bay pa Samuel Velasquez.

Den categoria Open, a participa un total di 9 hungador.

Na promer lugar a termina Brian Diaz. Brian a score 4 punto for di 5.

Na di 2 lugar tawata tin un empate entre Ilya Stetsenko y Ayden Dirks. Ambos a score 3 ½ punto. Ilya a keda na segundo lugar door cu e tawata tin contrincantenan mas fuerte.

Pabien na tur e ganadornan.

- Advertisement -

DUNA COMENTARIO

Please enter your comment!
Please enter your name here