Home General Proyectonan importante pa 2019

Proyectonan importante pa 2019

73
0
SHARE
- Advertisement -

Hendrik Tevreden:

 

*Elimina alcohol y tabaco for di eventonan di mucha

*Centrum voor Jeugd en Gezin

*Oklahoma Women House

 

Eventonan pa mucha ORANJESTAD(AAN): Mirando cu Carnaval a cuminza, parlamentario di MEP Hendrik Tevreden a papia di un mocion di su fraccion, cu ta urgi Gobierno pa prohibi consumo di alcohol, tabaco y tur otro substancia ilegal den eventonan di muchanan menor di edad.

“Nos suplica ta pa den e maneho actual di Ministerio di  Salubridad y tambe tur otro ministerio cu tin di haber cu eventonan muchanan menor di edad specialmente di Carnaval, pa cuminza aplica e mocion aki den nan maneho”.

“Den e temporada aki nos kier evita mas posibel cu mayornan ta bao di influencia cerca di nan yiunan”.

“Esaki ta un bon paso pa cuminza concientiza nos proximo generacion riba e dañonan cu abuso di e substancianan  aki ta causa”, segun Tevreden, kende a indica tambe cu Gobierno di Aruba a aloca fondonan financiero pa e asina yama ‘Centrum voor Jeugd en Gezin (centro pa hubentud y famia).

Esaki ta cuadra cu e pensamento di Gobierno pa duna hopi atencion na e hende y mirando tambe cu Gobierno a anuncia cu 2019 ta aña di famia.

Tevreden a papia tambe di Oklahoma Women House di Teen Challenge, cu ta un grupo di experto di Merca, cu ta concentra riba programanan dedica na adiccion di hende muher.

“Na Aruba nos tin un Vrouwenhuis cu mester wordo fortifica mucha mas, pa e por duna mas rendimento”.

Esaki segun Tevreden, kende a indica cu e grupo di Oklahoma ta pushando pa e muhernan adicto di Aruba por haya un lugar pa keda y un programa pa nan por wordo rehabilita.
E grupo aki ta crea nan mesun fondo y no ta depende di Gobierno, segun e parlamentario.

- Advertisement -

DUNA COMENTARIO

Please enter your comment!
Please enter your name here