Home Deporte Recordando Gachi Molina

Recordando Gachi Molina

288
0
SHARE
Aruba Jrs. 1953. Para d.r.p.d. Gachi Molina, Leo Rodriguez, Juan Briezen, Eliyo Tromp, Gochi Brion, Mily Briezen, Dunchi Tromp, Joy La Rosa, Tirso Steba y Jose Paulina. Dilanti Chia Brion, Chico Romero, Sep Bislik, Franny Tromp, Nunchi Hernandez y Mundo Kemp.
- Advertisement -

Na 1951 Gachi a cuminsa hunga pa Aruba Jrs. den e clase mayor di nos futbol y siguiente aña, 1952 el a debuta den e seleccion di Aruba contra Corsou.

Na 1953 el a forma parti di e seleccion di nos isla cu a gana e torneo di cuatro pais contra La Salle di Caracas, Surinam y British Guyana. E mesun aña aki el a hunga cu e seleccion di Aruba contra Millonarios di Bogota cu a bin nos isla cu tur su astronan manera Alfredo DiStefano, Pedernera, Rossi etc.

Despues di e wega aki el a biaha cu e seleccion di Antiyas Hulandes cu a participa na Costa Rica den e campeonato organisa pa Confederacion di Centro America y Caribe di Futbol (C.C.C.F.). Na augustus e tambe a forma parti di e seleccion local cu a participa na Surinam den un torneo contra Surinam y Paysandu di Brasil.

Na 1954 pa nos seleccion local el a hunga contra Wacker di Austria, Universidad Catolica di Chile y Millonarios cu a bolbe bishita nos isla.

Na1955 el a forma parti di e seleccion di Aruba cu a participa den e torneo na Honduras organisa pa C.C.C.F. Aki el a hunga den tur e cinco weganan di Aruba. E mesun aña aki el a hunga cu e seleccion di nos isla contra Deportivo Independiente Medellin y Tigre di Argentina.

For di 1956 te cu 1959 Gachi a hunga den Hoofdklasse pa e team di San Nicolas Jrs.

Na 1960 el a bolbe Aruba Jrs. y cu e club aki el a hunga den e prome Copa Antiyano.

E siguiente aña el a bay hunga pa Brazil Jrs. pa cua team el a hunga un par di aña y despues a regresa San Nicolas Jrs. y a bolbe hunga den Hoofdklasse for di 1966 pa 1968.

Den total Gachi a titula dos biaha campeon di nos isla cu Aruba Jrs. y tres biaha subcampeon, dos cu Aruba Jrs. y un cu San Nicolas Jrs.

Pa e seleccion di Aruba el a hunga mas cu 30 biaha.

Otro deportenan cu Gachi a practica tawata atletismo y boxeo. Den boxeo e tawata conoci como “Kid Telefonito”.

Edgar Simeon Molina, mihor conoci como “Gachi of Kid Telefonito” a fayece dia 28 di Januari 2019.

Cu Gachi descansa na paz.

- Advertisement -

DUNA COMENTARIO

Please enter your comment!
Please enter your name here