Home Comercio RELATO K.v.K. ENCUANTO COMERCIO DI ARUBA NA CLAUSURA DI AÑA 2018

RELATO K.v.K. ENCUANTO COMERCIO DI ARUBA NA CLAUSURA DI AÑA 2018

115
0
SHARE
- Advertisement -

ORANJESTAD(AAN)— Comercio na Aruba a conoce un 2018 cu hopi cambio y tambe incertidumbre.

E desaroyo economico di Aruba ta wordo influencia pa e poder di compra cu a mantene firme su posicion poco debil y cu no a indica mucho crecemento den benta cerca negoshinan local. Varios indicacion y informacion di parti di gobierno cu ta pone cu e comerciantenan y inversionistanan ta bira mas cauteloso. Durante 2018 Aruba su economia a recuri principalmente na turismo cu ta e unico pilar economico contribuyendo na mas di 90% di ingresonan y finalmente na caha di gobierno. No a conoce ningun otro pilar nobo y e refinaderia no ta asina leu ainda pa produci y trece ganashi aden como un segundo pilar economico pa Aruba.

Den e resumen aki Camara di Comercio y Industria (KvK) kier trece dilanti resumen di actividadnan comercial cu KvK a organisa durante 2018 y tambe duna un indicacion di e desaroyo di comercio na Aruba basa riba registracionnan di negoshi na KvK.

Actividadnan di KvK aportando na comercio

Un di e metanan principal di KvK ta pa yuda stimula comercio y organisa eventonan ta parti di esaki. 2018 tabata un aña hopi activo pa e ekipo dinamico di KvK cu a duna di nan banda pa organisa e siguiente eventonan durante 2018:

  • Na januari a organisa Business Plaza – Step Forward! Keda pendiente pa esaki un biaha mas na cuminsamento di 2019;
  • Februari a organisa e curso administrativo di FAB 1, na april FAB 2, augustus FAB 3 y por ultimo na october FAB 4;
  • Inauguracion di e segundo tanda di exposicion di arte di Fundacion Mira na KvK na april;
  • Na april a organisa un business kick-off pa empresarionan cu recien a registra nan negoshi;
  • Business Plaza – Get Started a tuma luga na juni;
  • Curso Empresario Independiente a wordo organisa na augustus;
  • Na september a tuma luga e prome Aruba Chamber Townhall meeting;
  • Un di dos business kick-off a tuma luga na september;
  • FEMCity a bishita y a tene un session di networking cu empresarionan local;
  • Na November a tene e inauguracion di art expo nobo.

E auditorium y otro salanan di reunion di KvK tambe a wordo bon bishita na varios ocasion caminda a tene reunion y seminarionan. Asina por conta cu a tene un focusgroup pa discuti un incubador comercial pa Aruba y reunion cu empresarionan den construccion. A tene varios workshops caminda a toca temanan manera sales forecasting, analisis practico di negoshi, con pa soluciona problema y un otro caminda a traha riba e structura di un sales pitch. Durante 2018 a tene varios charla y seminario. Nos por continua y menciona cu a tene lectura encuanto acoso sexual na trabou, public speaking, con pa detecta fraude den bo negoshi, responsabilidad social di compania, y un charla con pa colecta data. Seminarionan durante 2018 a elabora topiconan manera corporate governance y SDGs.

 

Pa motibonan personal durante 2018, presidente di directiva di KvK, sr. Ernst Mohamed a entrega su retiro. Cuminsamento di 2019 lo bay eligi un presidente nobo. Mientrastanto e vice-presidente sr. Kawish Misier ta tuma e timon y di e forma aki a sigui cu e trabounan pa KvK cu hopi animo.

 

Registracion di negoshinan durante 2018

Durante e aña aki a registra te cu november un total di 1221 empresanan. Di esaki nos tin 134 NV, 1 AVV, 388 VBA, 662 propietario unico, 20 VOF, 16 cu ta otro categoria. Unico registracion di tipo empresa offshore ta e 1 AVV.  Pa loke ta cancelacion mester bisa a registra te cu november un total di 699 empresa cu a cancela nan registracion. Di esaki tin 93 NV, 40 AVV, 29 VBA, 515 propietario unico, 15 VOF, 7 cu ta otro categoria.

 

Si haci un comparacion cu e aña anterior nos por observa lo siguiente:

Registracion 2017 (te cu november) Registracion 2018 (te cu november) Cantidad di 2018 vs 2017:
NV 407 NV 134 273 menos
AVV 4 AVV 1 3 menos
VBA 388 VBA 388 No tin diferencia
Eenmansz 658 Eenmansz 662 2 mas
VOF 12 VOF 20 8 mas
Otro 31 Otro 16 15 menos
Total 1500 Total 1221 279 menos

 

Por observa cu e registracionnan pa un negoshi nobo ta menos den 2018 compara cu 2017. Esaki ta conta pa tur tipo legal cu excepcion di VOF cu a mira mas registracion compara cu 2017. Ora observa cancelacion por mira lo siguiente:

Cancelacion 2017 (te cu november) Cancelacion 2018 (te cu november) Cantidad di 2018 vs 2017:
NV 97 NV 93 6 menos
AVV 68 AVV 40 28 menos
VBA 17 VBA 29 12 mas
Eenmansz 436 Eenmansz 515 79 mas
VOF 7 VOF 15 6 mas
Otro 9 Otro 7 2 menos
Total 634 Total 699 65 mas

 

Por bisa cu e registracion ta indica cu tin hopi cautela ora di habri negoshi. Tin menos negoshi nobo registra durante 2018 compara cu 2017.  Ademas hopi negoshi di e tipo propietario unico a cera.

- Advertisement -

DUNA COMENTARIO

Please enter your comment!
Please enter your name here