Home Gobierno Revista abordo di avionnan di TUI tabata duna promocion enorme pa Aruba

Revista abordo di avionnan di TUI tabata duna promocion enorme pa Aruba

267
0
SHARE
- Advertisement -

ORANJESTAD (AAN): Tur vuelo di e compania TUI ta bula rond mundo, tin abordo nan “Inflight Magazine” cu yama “TUI Magazine”, y semper ta inclui informacion di vuelo, di reglamento, y tambe articulonan interesante, incluyendo promo pa destinacionnan cu nan ta bula.

DIARIO a tuma nota, cu e edicion na Hulandes valido di November 2018 te cu Maart 2019, e biaha aki tin dos seccion den cual atencion a wordo dirigi riba “Aruba” como destinacion turistico.

Un di e seccionnan colorido, a promove mas bien e Islanan ABC den Caribe Hulandes cu un descripcion chikito y interesante di cada isla, esta Aruba, Bonaire, y Curaçao.

Algun pagina despues, nan a inclui un spread di 2 pagina, completamente dedica na Aruba.  Y el a wordo skirbi na un forma tiki divertido, esta cu si bo a bishita Aruba, bo por bisa cu bo “tabata na Aruba” solamente si bo a haci e 7 puntonan menciona den e articulo.

“Je bent pas op Aruba geweest als…” ta e articulo skirbi pa un insider na Aruba.

E ta splica cu bo tabata na Aruba solamente si bo a (*) subi Hooiberg, (*) a bishita Parke Arikok, (*) a come pastechi, (*) a bishita Zeerover, (*) si bo a bebe balashi cocktail (awa), (*) a bishita Eagle Beach, y (*) si bo a acudi na un Festival of Actividad.

E autor a mustra cu e isla tin bon reputacion pa awa cu ta sali di cranchi, y ta mustra cu e ta un awa delicioso pa bebe, y ta recomenda bishitantenan pa djis sigui yena nan botter cu awa di cranchi.

- Advertisement -

DUNA COMENTARIO

Please enter your comment!
Please enter your name here