Home General Segun Diego de Cuba Triple A NV a claba punal na lomba...

Segun Diego de Cuba Triple A NV a claba punal na lomba di su trahadornan

138
0
SHARE
- Advertisement -

Tocante nan fondo di pension:

ORANJESTAD (AAN) – Diego De Cuba a comenta, den entrevista cu nos redaccion, cu STA ta hopi cauteloso den e asunto di fondo di pension pa e trahadornan cu nan ta representa, y cu ta of por cay bao di APFA.

De Cuba a bisa cu STA ta trahando profundamente y nan tin hende cu ta haciendo investigacion pa loke ta trata e fondo di pension di APFA.

“Pasobra nos ta sinti cu tin hopi cos cu mester wordo cambia den APFA tambe. Pero locual cu Triple A NV a haci  cu su trahadornan ta claba nan cu punal na lomba”.

E sindicalista a sigui bisa cu ora STA a reuni cu e director di Triple A NV na mesa, y cu nan a splike cu mirando e salarionan di e trahadornan cu ta mihor den e fondo di pension di APFA, e no a gusta esaki mucho y nan a defende Guardian cu alma y curpa, y e sistema di “defined contribution”.

E lider sindical a comenta cu ora nan abogado, mr. Harold Falconi, a bisa e funcionario, despues cu esaki a degrada APFA, cu e tin diez aña cobrando APFA sin ningun problema, y tambe su tata a cobra sin ningun tropiezo, e persona ey no tabata tin argumento mas y a cuminza grita su persona y e board di STA, y esey nan no ta tolera pasobra na mesa nan ta partnernan igual.

De Cuba a acentua cu e eror grandi cu ta wordo cometi na Aruba, ta laga hendenan di afo bin dicta na nos lugar. STA ta boga for di masha tempo pa ora ta trece un funcionario di afo pone un hende lugar banda di dje. El a bisa cu den Gerencia mes di Triple A tin hende local cu por haci e trabao cu e funcionario en cuestion ta haciendo, y no mester di dje.

E sindicalista a indica cu STA ta bay hala un reunion na corto plazo pa su hendenan y lo bay puntra nan kico nan ta pensa di e situacion aki, y di e persona concerni, si nan kier pa e keda si of no.

 

 

- Advertisement -

DUNA COMENTARIO

Please enter your comment!
Please enter your name here