Home General Ta dificil pa sigui cu e sistema di boiler pa produci awa...

Ta dificil pa sigui cu e sistema di boiler pa produci awa y coriente

566
0
SHARE
- Advertisement -

Director di Aruba WEB NV:

ORANJESTAD (AAN) — Sr. Luis Oduber, Director di WEB Aruba NV, a comenta den entrevista cu nos redaccion, cu si continua cu e sistema di boiler, ta dificil pa sigui mantene e parti di operacion, pasobra durante dia e ta subi y baha, y principalmente cu WEB Aruba NV a bay den energia renovable di biento y solo, e no ta stabil y ta fluctua hopi.

Door cu e ta fluctua e boilernan cu ta mas grandi y actualmente ta keda uza pa controla e frecuencia door di esaki ta subi baha den nan capacidad, y e kimamento di e fuel no ta optimal na tur momento debi cu e fuel ta pega na e tubonan den e boiler mes y ta haya cu  dia pa dia mester blas steam den e boiler anto esaki ta pa los e fuel cu no a kima bon y esaki ta locual bo ta mira huma preto ta sali bay halto. Naturalmente esaki no ta bon pa medio ambiente e motornan cu WEB tin aworaki no tin esaki, nan performance ta mucho mas halto cu boiler. Mescos e aña aki tabata tin hopi keho di esnan di waf Barcadera pa loke ta e huma y WEB a  haci e estudionan y midimento, y e problema principal tabata e boilernan. Manera cu stop cu e boilernan tur e problemanan aki ta pasa pa pasa.

A puntra Sr. Oduber kico lo bay pasa cu e boilernan. Un bes cu e motornan bay den operacion y ta spera cu esaki lo por ta den prome cuartal di 2020 y manera cu paga e boilernan un pa un, lo bay over na desmantela nan y bende nan como hero bieu pasobra boiler ta dificil pa wordo bendi como tal, y lo wak si por haya benta pa e turbinanan.

A puntra Sr Oduber manera cu e motornan Recipe bay den funcion y lo uza menos bari kico lo pasa cu prijs di awa y coriente. Sr Oduber a comenta cu e ta dificil pa bisa pasobra 850 menos bari na e prijs actual di fuel ta papiando di 35 pa 40 miyon florin menos pa aña y si esey resulta beneficioso lo por ofrece un reduccion na pueblo.

- Advertisement -

DUNA COMENTARIO

Please enter your comment!
Please enter your name here