Home General Team di DNM a participa den curso 7 habito pa ta personanan...

Team di DNM a participa den curso 7 habito pa ta personanan altamente efectivo

128
0
SHARE
- Advertisement -

ORANJESTAD (AAN)- Directie Natuur en Milieu su team ta contento cu e exitoso curso cu nan tabata tin e honor di a tuma cu ta trata e 7 habitonan pa ta un persona altamente efectivo.

EduMax cu su facilitador Raymond Maxwell a brinda e curso aki cu ta encera un seminario di tres dia completo. E curso ta specialisa den excelencia den productividad y ta yuda organisacionnan logra e resultadonan rekeri door di switch pa habitonan mas efectivo. E principio di e curso ta saca for di e buki 7 habits of highly effective people di Franklin Covey.

E seminario aki a enfoca riba e principionan di efectividad. Cu si bo eherce y biba cu e 7 Habitonan aki den mente lo bo ta mas efectivo den locual ta mas importante pa bo bida personal y di trabou. E toolsnan cu ta brinda no ta un quick fix, pero ta rekeri un compromiso pa wak cambio significante den e bida na cas y na trabou.

E cursistanan di DNM a keda sumamente entusiasma y contento con e dianan a transcuri y tur loke nan a siña di e curso di 7 habito. Hopi ta convenci cu si nan eherce esaki y compromete nan mes na dje, nan lo eleva nan calidad como un bon tata, mama, pareha, yiu , amigo y trahado.

Aki por aprecia algun momento di e curso y tambe esnan cu a logra obtene nan certificado bon mereci. E director Gisbert Boekhoudt ta gradici Ministerio di Ruimtelijke Ordening, Infrastructuur & Milieu y Gobierno di Aruba pa brinda e oportunidad unico aki. Alabes ta manda un palabra di pabien na henter e Team di DNM cu e  logro cu ta uno na bienestar di henter Aruba.

- Advertisement -

DUNA COMENTARIO

Please enter your comment!
Please enter your name here