Home Gobierno Tin hopi presion di comunidad riba un bon servicio medico

Tin hopi presion di comunidad riba un bon servicio medico

19
0
SHARE
- Advertisement -

Minister di Salubridad Dangui Oduber

ORANJESTAD (AAN): Durante un conferencia di prensa relaciona cu lanzamento di app nobo di AZV, cu ta duna comunidad e oportunidad pa rate nan bishita na nan docter di cas, Minister encarga cu Salubridad Publico, Sr. Dangui Oduber a indica cu tin hopi presion di comunidad pa loke ta trata servicio medico, specialmente riba medionan social.

El a indica cu nan tene cuenta cu tur exigencia di poblacion, y sigur nan meta ta pa mehora e servicio brinda na pueblo di Aruba. E tin tur confianza cu e app nobo di AZV ta un bon paso cu lo contribui pa mehora e servicio aki.

Minister Oduber a bisa cu su Ministerio ta trahando riba mas proyecto pa asina mehora e cuido den su totalidad na Aruba, pasobra esaki ta e meta final cu nan tin, hunto cu AZV, Hospital, ImSan y demas stakeholders, na unda nan tur mester di otro pa mehora cuido y servicio na Aruba.

Minister a indica cu nan ta trahando tambe riba wachttijd hunto cu AZV, riba wachtlijst largo cu tin pa specialistanan, nan ta tratando pa yena tur vacatura di specialistanan cu tin actualmente cu no ta yena, nan a traha un manpower planning, pa asina tin un indicacion tambe pa tur studiante cu ta studiando medicina kico ta e specialismonan cu Aruba mester di dje.

E Minister a agrega cu nan ta den proceso pa reconoce studiantenan cu a studia den e region, pa bin traha bek na Aruba y asina yuda contribui na mehora cuido den e isla.

Ministerio di Salubridad ta trahando hunto cu AZV riba un plan nacional di prevencion, cu despues nan lo duna mas detaye riba esaki, pero e plan aki sigur ta un stap den un bon direccion cu nunca den pasado a tuma lugar.

AZV tambe ta revisando leynan anticua, cu pa decadanan no a wordo revisa, no a wordo actualiza y tampoco cambia. Y segun e mandatario a yega momento pa porfin haci cierto cambionan, specialmente awo cu AZV tin un director nobo, cu ta determina y dinamico, y ta comparti e vision, pensamento y maneho di gobierno.

Minister Oduber a bisa cu esaki ta cambionan cu nan kier logra concretiza, proyectonan cu ya caba a cuminsa y tin di nan den desaroyo, cu e meta pa mehora cuido medico na Aruba.

- Advertisement -

DUNA COMENTARIO

Please enter your comment!
Please enter your name here