Home Religion y Espiritualidad Tur cos ta cla pa celebra 60 aña di e “Grout di...

Tur cos ta cla pa celebra 60 aña di e “Grout di Lourdes”

59
0
SHARE
- Advertisement -

Dialuna 11 di Februari:

ORANJESTAD (AAN):  Tin algun movecion banda di Grot di Lourdes na Seroe Preto San Nicolas. Ta asina cu e Comision “Grot di Lourdes” hunto cu pastoor Raffy di Parokia di San Nicolas ta trahando duro pa asina prepara e facilidadnan pa e gran celebracion pa recorda 60 aña e inauguracion di e grot.

Esaki lo tuma lugar Dialuna 11 di Feb, 2019. For di dia 2 di Februari caba e actividadnan lo start sali cu un nobena na honor di La Birgen di Lourdes na misa Sta. Theresita.

E celebracion mes di “60 aña di Grot di Lourdes Aruba ” lo ta Dialuna 11 di Februari, 2019 cu lo cuminsa cu un procesion saliendo for di misa Sta. Theresita pa 5.30 pm.

E procesion lo sali for di misa Santa Theresita na San Nicolas drenta e caminda di Seroe Preto y sigui straight te na Grot di Lourdes, cantando y resando e santo rosario na caminda.

Pa 6.30 di atardi lo cuminsa un santo sacrificio di misa na Grot di Lourdes unda diferente pastoor di Aruba a keda invita pa ta presente. Despues di misa e pastoornan presente lo ofrece e sacramento di enfermo na esnan cu ta desea esey.

Henter pueblo di Aruba ta keda cordialmente invita pa e gran celebracion aki Dialuna 11 di februari, 2019.

- Advertisement -

DUNA COMENTARIO

Please enter your comment!
Please enter your name here