Home General Unda tin movecion tambe tin comerciantenan interesa

Unda tin movecion tambe tin comerciantenan interesa

60
0
SHARE
- Advertisement -

Segun Andres Hernandez di San Nicolas Business Association

ORANJESTAD (AAN):  Durante 2018 AREA San Nicolas tambe ta ofreciendo peliculanan den aire liber. Y aworaki San Nicolas tin 3 diferente grupo moviendo pa San Nicolas.

Tin San Nicolas Business Association, ta traha cu varios organisacion pa e bienestar di San Nicolas. E grupo profesional cu tin tras di AREA ta trahando abiertamente y Pro San Nicolas, cual ta algo positivo.

Cifranan na Camara di Comercio ta mustra cu varios negoshi ta cerando, pa cual Sr. Andres Hernandez, presidente di San Nicolas Business Association a bisa cu negoshinan ta cerando pabao, imagina kico ta di San Nicolas. Si e dia di mañan tin un proyecto cu ta cuminsa riba e tereno ey, lo bay tin un interes masha grandi pa loke ta comercio na San Nicolas.

E comerciantenan, no por culpa nan, ta hinca nan placa unda cu tin movecion, unda cu tin poder di compra. Esun di San Nicolas mester cambia. E cambio aki ta e refineria, e cambio ta e proyectonan nobo. Y posiblemente di comberti y bin cu’n Universidad na San Nicolas.

 

IPA bira universidad

Por ultimo, Sr. Hernandez a bisa cu nan tin plannan pa sigui ariba e proyecto di San Nicolas Ports Authority, como tambe e posicion di IPA, cu por ta dificil pero facil alabes, cu si IPA por bira un Universidad, e prome cos cu IPA mester ta rectorado y no facultadnan.

Y den e facultadnan ta haya volumen di studiante, cu enbes di bay pabao di brug, ta bin pariba di brug. Esey ta crea un movecion.

Lo bay traha prome cu tur cos ariba un plan di conscientisacion ariba e pueblo di San Nicolas. E pueblo di San Nicolas, si e mes no pone su placa pariba di brug, unda nan ta bay e ora? Te asina leu, Sr. Andres Hernandez, di San Nicolas Business Association.

 

 

 

- Advertisement -

DUNA COMENTARIO

Please enter your comment!
Please enter your name here