Home General Varios consumidor confundi cu na Supermarket e BBO awor ta poni den...

Varios consumidor confundi cu na Supermarket e BBO awor ta poni den prijs

1878
0
SHARE
- Advertisement -

Prome dia di negoshi…

ORANJESTAD (AAN): Manera tur corant, radio, y TV a bin ta anuncia, cu decision a ser tuma y desde 1 di Januari 2019, e BBO lo no aparece riba e factura mas.  Pero e BBO lo wordo poni awor direct den e prijs di e producto.

Segun Gobierno, e cambio aki y e reforma fiscal ta pa brinda e cliente mas transparencia y siguridad cu e prijs cu e mira den tienda lo ta e prijs na caha tambe. E cliente por compara prijs miho y asina por scoge miho unda e ta cumpra su productonan.

ANTES:  Pues antes bo ta gara un bleki di cuminda cu costa 10 Florin.  Ora bo yega na e Cashier, e POS-Computer lo agrega e BBO-Tax abao di 60 cent.  TOTAL ta bira 10,60 Florin pa e bleki di cuminda.

AWOR:  Awor ora bo gara e bleki di cuminda riba reki, ya caba e prijs lo ta poni na 10,60 Florin.  Ora bo yega na e Cashier, e POS-Computer no ta agrega e BBO-Tax mas, como cu ya caba e ta poni riba e producto.  TOTAL ta bira e mesun 10,60 Florin pa e bleki di cuminda.

Pa sorpresa di hopi comerciante, ta parce cu gran parti di consumidornan no a compronde e cambio di e reglamento aki.  Hopi a djis kere cu BBO a wordo elimina completamente entrante 1 Januari 2019.

Y riba Social Media tambe por a haya e reaccion aki di hendenan cu no a gusta con keto bay ta sigui cobra BBO.

Nan a keda sorprendi di haya splicacion cu ningun momento BBO a wordo elimina.  Pa awor, BBO cu BAZV y tambe BAVP tey pa keda.

   BBO NO A WORDO ELIMINA:

“Hendenan cu si a lesa corant, sa claramente cu e prijs di BBO awor ta wordo inclui den e sticker-price di e producto,” un comerciante a bisa.  E ta lamenta cu awor tin un grupo di hende cu no ta ni lesa noticia mas, y ta djis tende otronan bisa cu BBO ta wordo elimina di e recibo, y nan ta asumi cu BBO ta wordo elimina completamente.

Sorpresa!  BBO tey keto bay, y e lo tey den prijs di cada producto cu bo cumpra, cu excepcion di esnan cu ta poni den canasta basico.

Awor pa bo haci compras, bo calculo mester ta mas exacto.  Pues si bo haya por ehemplo un botter di Garlic Powder riba reki pa e prijs di 8,50 Florin… ya bo sa cu na Cashier e botter ey lo costabo 8,50 Florin y nada mas extra.  Pasobra ya caba BBO ta poni riba dje.

DIARIO a compronde cu algun comerciante a pasa henter 1 di Januari ta traha den nan negoshi, ta imprimi sticker nobo pa asina e bleki di cuminda di FL 10,00 wordo cambia pa FL 10,60

Otronan mester a cambia e prijs den e database di computer.

Hecho ta cu di awor en adelante, lo bo no mira e palabra “BBO” mas imprimi riba e recibo cu e cashier ta dunabo na final.  (Aunke Gobierno a duna un “tempo di gracia” di 6 luna na comerciantenan).

Recien DIARIO a relata, con un compania local cu orguyo a splica, cu nan software di benta ta completamente cla pa e Reforma Fiscal aki.

ALGUN COMPANIA KETO BAY PEGA:

E compania lider di software na Aruba, esta VCC International, a bisa cu nan ta orguyoso pa anuncia cu tur nan clientenan riba e isla ya caba ta equipa pa cumpli cu e reforma fiscal aki, cu e software “Exact” di VCC, incluyendo nan Sales Apps pa tablets pa tuma order y traha invoice directo door di bendedornan riba caya, como tambe e sistemanan point-of-sale di VCC.

Bert Vermaas di VCC International a splica DIARIO: “Enberdad e deadline di 1 Januari por parce di ta abrupto y inalcanzable pa hopi organizacion, pero nos clientenan mes lo no tin ningun problema of dolor di cabez.  Nan ta completamente cla debi na e sosten cu semper nan ta haya di nos equipo.”

Otro companianan cu no a keda cla, a protesta cerca AHATA y ATIA y pesey Gobierno a bin cu un periodo di gracia di 6 luna.

   KIZAS “TAX SEPARA” TA MAS TRANSPARENTE:

Algun persona no ta comparti e opinion di Gobierno pa inclui e Prijs y Tax hunto riba e sticker di producto.

Awor cu Aruba ta bibando 11 aña caba cu BBO, hopi observador ta convenci cu tin di bin cu un sistema flexible cu por adapta e cambio facilmente.  Pasobra awor ta parce cu cada Gobierno nobo cu sinta, ta bin cu algo nobo den scochi di comercio.

Ohala den futuro, Gobierno laga Comercio tambe fuera di e consecuencianan di politica.  Mihor lo ta pa e filosofia di prijs keda pafo di e politieke speelveld.  Y nan ta kere cu si bo separa tur articulo y tax apart, e lo bay ta na final mas transparente.  Na Merca mes, esey a keda demostra pa hopi decada caba.

Pero aworaki?  Comerciantenan ta mirando cu Gobierno ta djis pone gasto extra riba nan schouder, haciendo tur cos mas complica, pone comerciantenan traha extra duro pa fix e asunto aki.  Sin lubida riba e asunto mas complica aun di Articulonan di Canasta Basico.

- Advertisement -

DUNA COMENTARIO

Please enter your comment!
Please enter your name here