Home Deporte Xander Bogaerts, Denzel Dumfries y Sarah Quita Offringa

Xander Bogaerts, Denzel Dumfries y Sarah Quita Offringa

1054
0
SHARE
- Advertisement -

Deportistanan cu a briya den 2018

ORANJESTAD (AAN) – Mas mihor no tabata por! Tres di Aruba su atletanan professional a simplemente briya den 2018. E pelotero Xander Bogaerts y Boston Red Sox ta logra gana e World Series di baseball, e futbolista Denzel Dumfries ta firma cu PSV y ta wordo selecta pa Seleccion Hulandes mientras nos orguyo femenino Sarah Quita Offringa ta gana su di 15 titulo mundial den PWA World Tour.

 

Xander Bogearts

Xander Bogaerts y Boston Red Sox ta gana Los Angeles Dodgers cu score di 5-1 den e ultimo wega pa asina sigura nan di cuater titulo di “World Series” den e ultimo 15 campeonatonan di Major League Baseball. Xander a bati den 2018 pa un averhae di .288 cu 148 hit y 103 RBI.

E logro di Bogaerts a haya hopi elogio riba nos isla unda Gobierno di Aruba a organisa un bunita celebracion pa Xander den Carnival Village na San Nicolas y a nombra Xander como Embahador di Bon Boluntad pa pais Aruba.

 

Denzel Dumfries

Ex seleccionado di Aruba, Denzel Dumfries a firma cu e gigantenan di PSV pa un suma di 5,5 miyon euro te cu 2023. Denzel a hunga e ultimo temporada cu SC Heerenveen. Esaki a trece cune cu Dumfries a bay progresa enorme y esaki a cay den bista di entrenador Ronald Koeman cu a selecciona Denzel Dumfries y pone debuta den seleccion Hulandes di futbol contra Alemania. Sin duda esaki tabata e cherry cu tabata falta ariba e bolo. Na e prome invitacion pa entrenador Koeman, ya caba Denzel lo debuta cu Oranje contra Alemania. Dumfries 4 aña pasa ainda a hunga den e seleccion di Aruba pa despues hunga cu e club amateur Barendrecht, sigui pa e club profesionalnan Sparta Rotterdam, SC Heerenveen y PSV Eindhoven.

 

Sarah Quita Offringa

Aruba su orguyo Sarah Quita Offringa ta logra su di 15 titulo mundial na Fuerteventura, Islas Canarias. E orguyo femenino di Aruba ta gana su di 11 titulo mundial den Freestyle y un di dos lugar den Wave, cual ta e prome logro den Wave pa Sarah Quita. E aña aki Sarah Quita a skip slalom pa concentra su mes full den Wave. E aña 2019, Sarah Quita lo kier un bes mas concentra su mes den e disciplina di wave pa asina purba di logra un titulo mundial den esaki.

- Advertisement -

DUNA COMENTARIO

Please enter your comment!
Please enter your name here