Home Deporte Záhyon Klabér  campeon na Hulanda den Taekwondo

Záhyon Klabér  campeon na Hulanda den Taekwondo

55
0
SHARE
- Advertisement -

ORANJESTAD (AAN) – Diasabra ultimo a tuma luga na Den Haag Hulanda e Nederlandse Kampioenschappen. Jourdé y Záhyon Klabér a participa representando e scol di Taekwondo di Henk Meijer.

Jourdé Klabér a perde su prome pelea y por a bay bisti paña pa despues wak su ruman chikito bringa. Jourdé Klabér tabata hopi desapunta, pasobra la perde su pelea pa 1 punto. Mundo no a caba ainda pa Jourdé Klabér, pasobra e mester bay traha mas duro pa e Santo Domingo Open na luna di Maart.

Záhyon Klabér tabata den un poule di 7 atleta y Záhyon Klabér su prome pelea tabata contra di Caner Sucuoglu y Záhyon Klabér a gana esaki cu un score di 22-6. Záhyon Klabér su siguiente pelea a bay contra di Zakaria Benziane y Záhyon Klabér a gana esaki cu un score di 24-4. Den final Záhyon Klabér a topa cu Ted Brilhuis di e scol di Taekwondo Oude Luttikhuis y e pelea aki a hala hopi atencion di e publico cu a rondona veld 1 completamente pa mira e final aki y Záhyon Klabér a gana esaki cu un score di 19-17.

Henk Meijer tin hopi aña caba ta guia e team di Brazil Taekwondo Stichting y ta hopi contento cu e logro aki. Henk Meijer su scol a logra dos prome luga den e Nederlandse Kampioenschappen.

Záhyon Klabér ta e tercer persona di Aruba cu a logra gana Nederlandsche Kampioenschappen.

Rudy Wong-Fat ta e prome cu a sali campeon di Hulanda varios biaha den e añanan ’70 pa ’80. Rudy Wong-Fat a logra sali campeon di Europa den aña ’80 tambe.

Alberto Klabér tata di Jourdè y Záhyon Klabér a sali varios biaha campeon di Hulanda den añanan ’86-’92 representando Hulanda. Alberto Klabér a logra medaya di brons den e campeonato Europeo den aña ’90.

Brazil Taekwondo Stichting ta contento cu e logro di Záhyon Klabér cu a demonstra su abilidad.

Awo lo sigui cu training den preparacion pa e clasificasion pa e Pan Americano na Santo Domingo y Henk Meijer ta bay ta na Aruba na luna di Februari pa cuminsa cu e preparacion.

Diadomingo anochi Dr. Guaicaipuro Jimenez presidente di Aruba Taekwondo Bond a bay ricibi Záhyon Klabér campeon di Hulanda y su ruman mayor Jourdé Klabér. Nan tabata na Europa pa un winter camp y campeonato. Záhyon Klabér a logra sali campeon di Hulanda den e categoria di -68 kilo.

 

 

- Advertisement -

DUNA COMENTARIO

Please enter your comment!
Please enter your name here