Home General 1 di Maart benidero ta cuminza cobra pa recoge sushi

1 di Maart benidero ta cuminza cobra pa recoge sushi

425
0
SHARE
- Advertisement -

Prepara bo cartera cu Afl. 25  extra pa luna …

ORANJESTAD (AAN):  Dia 1 di maart 2019 lo cuminsa cobra pa recogemento di sushi. Esaki ta despues di e acuerdo cu parlamento, gremio y sindicatonan y despues di 13 aña. Comunidad por mira e presencia di Serlimar cu ta hopi mas bisto, hopi mas activo den nos comunidad.

Di e banda ey tur hende por a mira un diferencia grandi, concentrando nan mes ariba e aspecto di servicio y mercadeo. Preparando nan mes pa e cambionan grandi cu lo bin pa loke tin cu pasa cu Parkietenbos y e maneho di sushi.

E mandatario encarga cu Serlimar, Sr. Otmar Oduber, a splica cu Serlimar ta envolvi den un procesamento totalmente nobo di loke ta e sludge, loke ta sali RWZ cu ta e awa di pos cu ta wordo procesa y cu anteriormente tabata wordo kima den aire liber y kima ariba dump.

Awo tin henter un proyecto di incineracion cu DOW y gobierno a cumpra. Esaki lo wordo poni na disposicion di Serlimar, pa e aña aki ainda wordo elimina. Es decir, lo no bay kima e sludge aki, Serlimar ta envolvi den henter e proceso aki.

E cambionan e aña aki, pa prome biaha lo por incinera tur e productonan medico, cu anteriormente tabata wordo kima ariba Parkietenbos. Tambe tur productonan medico, remedi, hanguanan of organonan. Awo lo bay haci’e na un manera responsabel. Tambe bestianan morto cu normalmente ta wordo kima of dera na Parkietenbos, awo na un forma responsabel y 100% limpi pa nos medio ambiente, ta procesonan cu hendenan no ta wak esaki sosode dilanti di nan cas, pero si ta tuma luga.

FECHA STIPULA

Dia 1 di maart 2019 lo cuminsa cobra pa recogemento di sushi. Esaki ta despues di e acuerdo cu parlamento, gremio y sindicatonan y despues di 13 aña, mustrando cu Serlimar ta ariba e caminda corecto, lo intensiva e bakinan di sushi cu a wordo cumpra 13 aña pasa cu ta den condicionnan basta deteriora. Esakinan lo wordo cambia.

Tambe Serlimar lo bay haya trucknan nobo, cu lo facilita e trabao cu mester haci tambe pa loke ta servicio di tur e ophaalpunt na Aruba. Y tambe tur e trabaonan cu ta wordo haci na Aruba, pa locual ta mantencion den bario, cu dia 1 di maart lo cuminsa, manera palabra cu e cobranza den e caso aki, ta bay sali cu informacionnan den transcurso di dianan nos dilanti, con e ta tuma luga, con ta haya e recibo, con e por wordo paga y na unda por wordo paga.

TARIFA PA PIKI SUSHI

E tarifa ta AWG. 25,- pa cada cas. Esey no kiermen cu si tin dos bari, ta paga AWG.50,- . Ta paga AWG. 25,- pa e servicio di recoge na cas. Si den cualkier caso, ta cumpra e di dos bari pa tin’e, pero no ta cobra pa recoge e di dos bari, e prijs ta keda mescos.

Ya ora cu pasa tres, esaki ta bira comercial. Tin exoneracionnan a base di palabracionnan. P.e. un pareha pensionado, cu no ta cobra su AOV completo ta yega na cierto tarifa, nan ta paga AWG. 10,-. Si mester hiba e comprobante. Personanan cu ta biba di bijstand, no ta paga nada. Pero e ciudadano ta responsabel pa hiba e prueba na Serlimar.

Ta importante pa Serlimar bira e compania serio y profesional cu ta brinda e servicio. Y nan ta demostrando esaki. Pero mas ainda cu e AWG. 25,- ta contribui na solamente na recoge sushi, pero ta contribui pa cera Parkietenbos, pa cual ya caba tin un destaho publico, pa por tin un procesamento mas limpi y mas higienico pa loke ta desperdicio. Si antes tabata djis cobra AWG. 25,- pa recoge e sushi, aworaki e AWG. 25, – ta nifica hopi mas pa e bienestar di pais Aruba.

- Advertisement -

DUNA COMENTARIO

Please enter your comment!
Please enter your name here