Home Hudicial 12 y 15 luna di prison pa pareha cu a trafica hende...

12 y 15 luna di prison pa pareha cu a trafica hende for di Venezuela pa Aruba

122
0
SHARE
- Advertisement -

ORANJESTAD (AAN) – E muher Venezolano L.V.R. y e homber Venezolano A.B. a haya castigo di prison pa a organiza traficacion di hendenan ilegal for di Venezuela pa Aruba. Hues ta haya legalmente proba cu nan a organiza traficacion di hende entre 1 Januari 2018 y 7 Juni 2018. Hues a reduci e castigo exigi pa Fiscal.

EXIGENCIA FISCAL

Na comienso di luna Februari 2019, tratamento di e caso a tuma lugar caminda Fiscal a bisa Hues cu e caso yama Blenchi y Landsrecherche tabata haci investigacion riba ambtenaar cu lo ta yuda trece hende ilegal Aruba. Fiscal a mustra cu den e caso aki ta concentra riba A.B. su combersacion cu otro. Tabata papia di botonan cu tin cu bin for di Venezuela cu ilegalnan.

Tin combersacion entre e muher L.R. y e homber O.R. Nan a papia di trecemento di hendenan ilegal. Dia 15 Juni 2017 e boto a sali for di Venezuela cu 6 persona y a bay na Baby Beach. Dia 17 Juni 2017, Guarda Costa a detene e hendenan ilegal na Baby Beach.

Tabatin combersacionnan riba 17 Juni 2017 caminda tabata papia con e transporte a bay y cuanto placa lo mester a haya. Na opinion di Fiscal, e muher L.R. tabata envolvi den transporte den hendenan.

Fiscal a tuma na malo traficacion di ilegalnan. El a bisa Hues cu e ta conciente cu e situacion na Venezuela ta hopi dificil. Pero Aruba ta un isla chikito y ta vulnerable pa cantidad di ilegalnan. Den e caso aki a haci investigacion na un cas na Madiki caminda tabata keda un cantidad di hende ilegal.

El a bisa cu e ta tene na cuenta cu e pareha tabata cobra un cantidad di placa pa e transporte. Hendenan ta pone nan bida na peliger crusando laman grandi den boto chikito. Fiscal a exigi 24 luna di prison pa e muher L.R. y 18 luna di prison pa e homber A.B.

SENTENCIA

Hues a bisa cu e ta haya e pareha culpable di organiza traficacion di hende ilegal for di Venezuela.

Hues a tene cuenta cu ambos tabata organiza viahenan for di Venezuela cu ilegalnan bin Aruba. Door di esaki a crea un circulo ilegal di hendenan cu por afecta e isla. A haci esaki cu fin pa gana placa.

Hues tambe a tene cuenta cu castigo cu Hof di Corte Superior ta duna. Hues a tene cuenta cu ta promer biaha cu e pareha ta cay den man di husticia. Hues a bisa cu A.B. na un occasion tabata envolvi mientras cu e muher L.R. tabatin mas.

Hues a condena e homber A.B. na 12 luna di prison y e muher L.R. na 15 luna di prison, kitando e tempo cu nan ta sera den KIA.

 

- Advertisement -

DUNA COMENTARIO

Please enter your comment!
Please enter your name here