Home Social A haya un localidad pa lanta un Centro di Opvang di Hoben...

A haya un localidad pa lanta un Centro di Opvang di Hoben y Famia

250
0
SHARE
- Advertisement -

Glenda Hernandis, directora di Departamento di Asuntonan Social

ORANJESTAD (AAN):  Den un entrevista cu Glenda Hernandis, directora di Departamento di Asuntonan Social, el a splica con e asina yama Sociaal Crisis Plan ta canando.

El a indica cu a haci un convenio cu e directiva di scolnan, unda cu lo cuminsa cu un proyecto piloto na seis scol,  e Supporting Troubled Families, unda cu muchanan cu tin problemanan social, trahadonan social lo atende cu esaki.

Tambe el a splica cu a haya un localidad pa lanta un Centro di Opvang di Hoben y Famia. Y pronto lo apunta un cabesante pa e Centro di Opvang di Hoben y Famia pa cuminsa traha e programacion. E meta ta pa e centro di Hoben y Famia ta papia cu tur e instancianan preventivo y pa bin cu programanan.

Tambe lo papia cu e hobennan pa nan mes traha na programacion den e centro. Esey kiermen cu por papia mas miho con pa sostene cu mayor y hobennan, riba puntonan cu nan tin mester di sosten.

Hernandis a indica cu ta trahando ariba e di e dos grupo di e proyecto di hiba hendenan den bijstand pa trabao. Ta trata di un grupo di mas di 32 mama soltero, cu ta un grupo basta grandi di 12 mama cu ta den nan fase final pa bay mercado laboral.

A haci afspraak cu DPL pa nan haya coaching pa trabao, ya e mas importante no ta pa haya trabao, pero pa retene e trabao. Esey ta puntonan cu aworaki ta canando.

Casa Cuna a pone nan localidad pa ricibi mamanan teenager cu nan yiunan ta den Casa Cuna,  pa con pa guia nan, con pa anda cu nan yiu unda cosnan a bay malo den pasado. A prepara un bishita cu Staatssecretaris Knopps, unda a laga wak tur e luganan unda cu fisicamente por wak e efecto di e Sociaal Crisis Plan. Esey ta peticion di ministerraad, pa haci visibel e efecto di e Sociaal Crisis Plan, pa wak pa bo mes. Lo trata di traha ariba esey.

Pa loke ta e personal, Departamento di Asuntonan Social a haya bastante solicitud, unda cu e tin un procedura ta canando. Pero si tin suficiente personal pa nan cuminsa cana. Lo bay tin un reunion hunto cu e Minister di Asuntonan Social cu UNICEF, cu DAS y cu e gremionan cu ta participando den e stuurgroep pa e raportahe, unda tur director cu ta trahando cu e plan aki, pa bin duna cuenta di con e placa ta wordo uza, kico ta resultado.

E reunion aki lo tuma luga cada tres luna, pa asina tin un sorto di supervision ta tuma luga, segun Sra. Glenda Hernandis, directora di Departamento di Asuntonan Social.

 

- Advertisement -

DUNA COMENTARIO

Please enter your comment!
Please enter your name here