Home Parlamento Algemene Rekenkamer Aruba den Parlamento awe, pa discuti y planea investigacion den...

Algemene Rekenkamer Aruba den Parlamento awe, pa discuti y planea investigacion den Lotto

129
0
SHARE
- Advertisement -

Endy Croes:

ORANJESTAD  (AAN):  Parlamentario Endy Croes durante e conferencia di prensa di partido MEP di tur Dialuna, a splica cu awe Algemene Rekenkamer Aruba (ARA) ta bay ta den Parlamento, pa discuti y planea un investigacion den Lotto.

Segun e parlamentario, esaki despues cu den un Comision Central, unanimamente e parlamentarionan a bay di acuerdo pa esaki tuma lugar.

Croes a bisa cu e investigacion ta bay ta entre otro riba e placa cu a wordo malgasta den Lotto.

“Pronto nos lo por confirma e ora ey cu e investigacion den Lotto lo cuminza, mediante e hermentnan cu Parlamento tin, esta di pone un Comision Central, sinta cu esnan encarga y por encarga ARA pa hasi esaki”, segun e parlamentario di e fraccion geel.

El a splica tambe cu mester bin un splicacion riba e hecho cu for di 2014 caba, Lotto ta pagando e compania Canades CBN 23% di e venta, mientras cu na 2009 esaki tabata 8%.

Croes a menciona varios gasto cu tin actualmente den Lotto, cu no tabata tin antes.

“Ta trata di un cantidad di gasto absurdo den Lotto, cu antes no tabata tey”, segun e parlamentario.

El a papia tambe di un miembro di bestuur di Lotto  Flavio Faneyte, kende ta miembro di Staf di Elmar.

“For di 2009 e ta den Lotto y mi ta puntra mi mes con un compania integra manera Elmar N.V por permiti un miembro di nan staff pa ta den bestuur di Lotto, unda cu tur e fechorianan aki ta tuma lugar”.

“Mi ta kere cu ta bon pa Elmar tambe tira un bista riba su empleado cu ta den staff”, segun Croes.

- Advertisement -

DUNA COMENTARIO

Please enter your comment!
Please enter your name here