Home Enseñanza Alumnonan di Colegio Arubano ta bishita algun compania

Alumnonan di Colegio Arubano ta bishita algun compania

60
0
SHARE
- Advertisement -

Den cuadro di nan proyecto “From Good to Great”

ORANJESTAD (AAN):  E alumnonan cu ta den klas 3 di HAVO y VWO pronto mester scoge un profiel: cu a ramo di estudio nan ta sigui den klas 4? Esey ta un momento importante, como cu e profiel mester acopla bon na loke e alumnonan kier bay haci despues cu nan caba scol.

Cua estudio nan lo sigui? Pa cua profesion nan kier bay siña despues cu nan haya e diploma di scol secundario? Esaki ta un escogencia dificil pa muchanan asina hoben.

E proyecto “From Good to Great” ta yuda e alumnonan pa scoge na un manera responsabel.

Ya caba den december 2018 e alumnonan di klas H3-f y V3-a a participa na e prome fase di e proyecto di e Stichting JA IK ARUBA. E tabata un tour pa haya inspiracion na Ritz Carlton, cu e alumnonan a ricibi cu masha entusiasmo.

Riba diabierna 8 di februari, atrobe e klas 3 di HAVO a sali pa un tour; e biaha aki na e compania Compra LTD. E alumnonan a haya relato di un storia inspiracional di e gerente, señor Hubert Dirksz. Diabierna, 15 di februari, klas 3 di VWO a bay Deloitte.

E proyecto “From Good to Great” ta di importancia pa e alumnonan, pa nan por haci un bon escogencia pa futuro. E ta yuda e companianan pa atrae futuro personal, cu ta entusiasma pa traha cerca nan aki mes na e isla.

Na Aruba tin hopi posibilidad! Di e manera aki e proyecto ta contribui pa preveni e “brain-drain’: emigracion di personanan capacita y cu cualificacion halto for di Aruba pa un pais, unda ta parce cu ta mas atractivo pa traha.

- Advertisement -

DUNA COMENTARIO

Please enter your comment!
Please enter your name here