Asina Aruba a observa Dia Internacional Internacional di Cancer

    168
    0
    SHARE
    - Advertisement -

    ORANJESTAD (AAN); Dia 4 di februari ta un dia hopi importante pa Wilhelmina Kanker Fonds. Ariba e fecha aki e fundacion a keda funda. Señora Lilly Prince, presidente di Koninging Wilhelmina Fonds ta splica cu durante e ultimo añanan nan a bin ta desplega un trabao grandi y sigur mester reconoce esey.

    Señora Prince ta gradici Dios na prome luga y tambe e comundiad di Aruba pa e sosten cu nan a ricibi durante e tempo aki. El a sigui bisa cu e ultimo 20 añanan aki, un otro fundacion a worde lanta tambe na nivel mundial y esaki ta e asina yama Wereld Kanker Onderzoek Fonds cu a worde landa na Hulanda y nan lema ta “Kanker Draag Je Niet Alleen”.

    Ora mira cuanto hende tin rond di e patient di cancer, bo tin atencion di dokter, bo sernan keri, bo amigonan dus bo no ta carge bo so. Pero Cancer a subi akinan na Aruba drasticamente. Y como fundacion di cancer, lo kier pone enfasis, kier pidi tur hende pa stima bo mes na prome luga, esta biba un bida mas saludabel. Si mira mundo ta bay riba un speed sumamente halto y dado momento e comemento ta bira dificil y fastioso y no ta come na tempo y ta prefera di haci otro cosnan y no ta dedica tempo na nos mes.

    Con un persona ta biba, cambia bo lifestyle, no warda ora yega dokter y bo worde diagnostica cu bo tin e malesa anto e ora ey bo ta cuminsa. Sino mas bien cuminsa for di antemano pa biba un bida saludabel, wak kico bo ta come, evita vet, haci mas ehercicio.

    Segun Sra. Prince, tur esakinan ta puntonan  cardinal. No warda te na ultimo pa bay dokter ora cu bo ta sinti algo, acudi na un dokter mesora y splica den detaye kico tur bo ta sinti.

    Tambe wak den bo famia, si bo tin sernan keri cu tabatin cancer, tur esakinan mester bisa e dokter tambe. Mundialmente e edad di personanan cu ta worde diagnostica cu cancer a baha. Esaki ta debi na e lifestyle cu tin. Esaki ta hunga un rol grandi pasobra si sigui tur conseho cu tin aworaki, ta haya un cu ta paga tino hopi na dje, cu ta e awa. Mas awa un persona bebe ta miho pero mester corda cu 60 aña atras ta mira cu tabatin purun y e bieunan di e tempo ey por a bisabo cu e awa ey ta dushi fresco.

    Awendia mas ijs e tin mas un persona kier bebe. E ta atractivo y dushi pero kico e ta haci cu un persona su paden? Tur esakinan ta pida cosnan cu mester paga tino cu nan. E lifestyle cu tur hende ta bibando awendia ta hunga un rol grandi pasobra un persona mester tin un telefon den su man pasobra unda cu bo bay mester comunica.

    Antes tabata warda pa yega un caminda pa comunica. Awendia cu tanto tecnologia, e aparatonan aki tambe ta yuda e malesa di cancer pa e haya caminda pa cana den bo curpa. P’esey Wilhelmina Kankerfonds ta pone enfasis riba prevencion y e prevencion aki mester cuminza na bo persona mes. Si no tene cuenta cun’e, e ora ey ta nos mes ta matando nos mes, tabata palabranan di Señora Lilly Prince di Wilhelmina Kankerfonds Aruba.

    Pero berdad e ta un reto pa conscientisa comunidad riba e cosnan aki y esaki ta haci cu e aña’ki Wilhelmina Kankerfonds Aruba ta bay bini cu mas charlanan pa conscientiza cada hende mas ainda riba e Malesa aki y tambe ta sigui riba e prevencion paso tin asina hopi cos cu mester tene cuenta cune.

    - Advertisement -

    DUNA COMENTARIO

    Please enter your comment!
    Please enter your name here