Home Policial Auto cu tabata cant’i caminda na Seroe Patrishi a wordo desmantela y...

Auto cu tabata cant’i caminda na Seroe Patrishi a wordo desmantela y kima

156
0
SHARE
- Advertisement -

Tene cuenta si bo haya un accidente pa no laga bo auto pa su cuenta!

ORANJESTAD (AAN):  Algun dia pasa, den area di Tanki Leendert, e caminda pa bay Seroe Patrishi, a tuma nota di un Toyota Tercel cu a wordo laga banda di caminda.

E auto parce tabata envolvi den un accidente den e area ey y pa un motibo e doño lo a laga e auto para eynan.

E siman aki, a ripara cu e mesun auto aki, cu a wordo laga atras, a wordo cendi recientemente na candela.

No ta conoci e pakico a cende e auto na candela of si tin di haber cu vandalismo. Pero lo ta bon pa esnan cu haya nan mes envolvi den un accidente pa tene cuenta cu te hasta laga bo auto pa su cuenta, banda di caminda tambe por tin su consecuencia.

Por ta bo lo haye desmantela of kima. Parce cu den e caso aki, prome cu kima e auto, esaki a wordo desmantela.

Den e dianan aki, por cierto, tin hopi keho di personanan doñonan di KIA Rio cu ta hayando nan auto di riem.

Antisocialnan ta tur caminda y nan ta busca tur manera pa comete nan fechoria.

- Advertisement -

DUNA COMENTARIO

Please enter your comment!
Please enter your name here