Home General Biblioteca Rancho a bira un realidad

Biblioteca Rancho a bira un realidad

133
0
SHARE
- Advertisement -

ORANJESTAD (AAN):  Clifford Rosa di Fundacion Rancho a duna di conoce cu diabierna tabata un otro dia importante pa e fundacion y pa tur e otro proyectonan cu nan ta bin haciendo y e sistema con nan ta acumula informacion.

Diabierna a habri Biblioteca Rancho, cual lo ta disponibel pa e hendenan por pasa eynan pa busca of wak buki y disfruta di henter e literatura cu tin disponibel.

A haci esaki facil pa tin e posibilidad den e bario di Rancho. Tin un bon cooperacion cu Biblioteca Nacional di Aruba y asina ey lo bay conecta, haci un network cu Biblioteca.

Den caso cu si tin bukinan cu un persona ta desea di lesa, via computer mes lo por haya sa con pa yega na e buki.

Na Biblioteca Rancho tin un variedad y esey nan ta gradici Biblioteca Nacional y UNOCA.  A habri cu un variedad di buki y hopi di nan na Papiamento, Rosa a laga sa.

Pa por a cay den e criteria pa uza biblioteca mester por tin un sistema hinca den otro. No ta papia di miembresia ainda, pero si ta papia di un sistema unda e persona ta registra pa asina ey por huur un buki y bay cun’e pa un siman y hibe bek.

E proyecto aki di biblioteca ta uno cu tabata tin basta tempo pero awor tin un espacio pa cuminza. E espacio ta chikito, pero ta e prome paso pa inicia e proceso di tin un Biblioteca Rancho.

E sistema cu a bin ta trahando riba dje ta con pa conserva historia oral, esta e informacion di e habitantenan di e bario. Ta sumamente importante cu si nan tin algo pa yuda e fundacion pa conserva y warda, informa otro hende, tur ta bonbini, Clifford Rosa a remarca.

Tin e material di Biblioteca Nacional, di Arubiana-Caribiana, di Archivo Nacional. Pero tambe tin informacion di e hendenan, di e habitantenan cu no tin ningun otro caminda.

Tin biaha e hendenan ta warda documentonan den baul cu tin balor y pesey ta encurasha e personanan aki pa comparti esaki cu Biblioteca Rancho.

Dentro di poco lo drenta den un otro proyecto cu UNESCO unda cu por documenta e informacion, Rosa a agrega.

- Advertisement -

DUNA COMENTARIO

Please enter your comment!
Please enter your name here