Home Impuesto Busca plachi cu bo a paga online y topa cu un servicio...

Busca plachi cu bo a paga online y topa cu un servicio estilo “morocoi”

156
0
SHARE
- Advertisement -

Reaccion

ORANJESTAD (AAN): Temponan a cambia. Tecnologia a haci bida di hopi hende mas facil. Sinembargo, apesar cu na Departamento di Impuesto a purba di yuda e cliente cu e pagonan online, tog por topa cu situacionnan un tiki fastioso.

Segun reaccion di algun usuario cu a bay Diahuebs na Departamento di Impuesto pa busca nan plachi number, nan a topa cu un situacion incomodo. Nan a kere cu pasobra nan a paga nan number online, cu nan lo haya nan plachi number mas lihe.

Pero esey no ta e caso parce. Aunke e fila ta cortico, tog e clientenan tin cu para warda den rij pasobra e sistema cu ta traha cune ta bay hopi slow. E persona cu ta yuda ta tarda casi 5 minuut pa hinca datonan den e sistema. Algo dificil pa kere.

Despues di esey, mester para warda atrobe pa un persona bay busca e plachi number na e otro local. Kiermen, den un dia normal, cu tiki hende, bo lo mester di mas cu mey ora pa para den rij y warda pa haya bo plachi number.

Segun e comentario cu DIARIO a haya, ainda DIMP mester traha un tiki mas pa yuda acelera e proceso aki. Pakico warda asina hopi pa un hende check e informacion den e sistema?

- Advertisement -

DUNA COMENTARIO

Please enter your comment!
Please enter your name here