Home Gobierno CAft  kier crea discusion riba e transparencia di e fondo di Crisis...

CAft  kier crea discusion riba e transparencia di e fondo di Crisis Plan

83
0
SHARE
- Advertisement -

Minister Ruiz-Maduro indigna:

ORANJESTAD (AAN)— Minister di Economia, Finanzas y Cultura mr. Xiomara Ruiz-Maduro, a menciona den conferencia di prensa cu un di e señalamentonan cu CAft ta haci den su ultimo carta, dirigi na Gobierno, ta cu e no ta mira transparencia den e fondo pa e Crisis Social Plan, locual tin e mandatario indigna y e ta splica di con.

No obstante esaki ta un fondo cu a pasa den Parlamento y tur 21 parlamentario di nos pais a bay di acuerdo cu e fondo aki.

Di e fondo aki tambe tin rapport pa cuartal y banda di esey tin rapport di e team, tambe di gobierno pa cuartal, cu informacion di e Departamento di Finanzas, y tambe di Central Accountings Dienst (CAD) cu ta audit e parti aki.

Ademas tin e Comision den Parlamento, cu ta sigui e informacion aki. Gobierno ta bay mitad di aña Parlamento duna informacion, y tambe ora cu ta trata presupuesto supletorio ta duna informacion.

E mandatario a sigui bisa cu CAft den su concepto caba tabata tin manera un problema cu e Social Crisis Fonds aki y aworaki atrobe nan kier bay riba e parti cu no tin suficiente informacion, siendo cu gobieno ta mustre.

E dignatario a menciona cu prome cu bin cu discusion tocante esaki, pasobra e ta ripara cu tin Parlamentario tambe cu a bin cuestiona, e kier recorda pueblo lo siguiente:

Un average di 288 mucha pa aña, ta wordo maltrata na Aruba y ta casi 24 mucha pa luna.

Den 2017 dos mucha a muri a consecuencia di maltrato.

E dignatario a enfatiza cu esaki ta un crisis y  cu gobierno ta atendiendo e crisis aki.

El a agrega cu un average di 1800 hende muher pa aña, ta wordo maltrata na Aruba. Casi 150 pa luna. Den 2018 dos hende muher a fayece a consecuencia di maltrato.

“Señores, cu tur respet debido ami no ta kere cu den Reino, mi no ta kere cu na Aruba, nos tin cu cuestiona un gobierno, cu a dicidi di atende e asuntonan aki, pasobra ta un crisis. Un Parlamento cu tur su 21 miembronan a bay di acuerdo pa sostene pa un fondo pa e Social Crisis Plan bin”, Minister Ruiz Maduro a señala.

El a agrega cu e Social Crisis Plan ta haya su fondonan for di e presupuesto di pais Aruba, y den dje tambe ta mira cu di parti di Hulanda a pone e placa cu a resta di FDA (Fondo di Desaroyo Aruba), pues Hulanda mes a destine pa atende cu e asuntonan aki di e crisis social, y banda di esey UNICEF tambe a pone placa disponible den e fondo aki, y no por ta asina cu aworaki Aruba ta bay haya su mes den un discusion di Conseho di Supervision, riba si un fondo ta suficientemente transparente si of no.

- Advertisement -

DUNA COMENTARIO

Please enter your comment!
Please enter your name here