Home Economia CAft ta haya cu no tin suficiente informacion pa mustra cu e...

CAft ta haya cu no tin suficiente informacion pa mustra cu e presupuesto 2019 ta realizable

43
0
SHARE
- Advertisement -

Den su ultimo carta pa gobierno:

ORANJESTAD (AAN) – Minister di Economia, Finanzas y Cultura a hiba palabra durante e conferencia di prensa di gobierno cu a tuma lugar Dialuna.

E dignatario a trata e tema di e ultimo carta cu gobierno a haya for di e Colegio di Supervision Financiero, esta “CAft”, relaciona cu e presupuesto 2019.

Minister mr. Ruiz-Maduro a indica cu conforme e procedure normal, manera e ta poni den ley, ora cu e presupuesto di Pais Aruba ta wordo trata, prome cu e bay Parlamento CAft ta duna un opinion.

E opinion aki gobierno ta tume y ta haci cambionan, bay den e recomendacionnan pa adapta e Memorie van Toelichting, y e ora ey ta manda tur splicacion aki na Parlamento, cual ta debati y haci cambionan via amienda, si esaki ta necesario y despues e presupuesto ta keda aproba y e ora ey CAft ta wak esaki bek y ta duna un opinion.

E mandatario a indica cu tur esaki a pasa, y por wak cu dia 14 di Januari a duna su opinion riba e presupuesto.

Conforme regla tambe ta asina cu ora nan duna nan opinion, gobierno tin 14 dia den cual nan ta reacciona pa bisa cual ta nan opinion riba locual CAft ta trece dilanti.

E dignatario a splica cu CAft a cuminza pa duna elogio pasobra e presupuesto a pasa prome cu 31 di December na Parlamento, y tambe nan ta indica cu loke nan ta mira, ora cu nan ta tuma e sector colectivo (no solamente gobierno pero e otro sectornan manera AZV, Serlimar, Universidad, etc), ta cu no ta yega na un deficit di 0%.

Gobierno mes a entrega na Parlamento un presupuesto cu ta conta cu un deficit di 0.5% pero eynan CAft su conclusion ta cu e presupuesto presenta ta mihor cu locual gobierno mes a presenta.

Pero den e carta CAft ta indica cu falta informacion y door di esey e no por pone un opinion si e presupuesto ta cumpli cu locual ta wordo premira y si ta realizable of no.

Eynan gobierno ta indica den su contesta di 24 di Januari, cu den cada cuartal nan ta haya uitvoerings rapportage, kiermen un rapport cu ta bay den cual no solamente Parlamento pero CAft tambe, ta haya tur e informacion financiero cu a bay den e cuartal eynan.

Tambe den fin di aña tin e cuentanan annual cu ta wordo prepara y eyden tambe CAft ta haya informacion, y banda di esaki tambe riba nivel di ambtenaar, constantemente nan tin reunion y nan ta haya informacion tambe, y nan ta sinta tambe cu Minister y Ministerraad, y di nan tambe nan ta haya informacion.

E mandatario a señala cu pa nan bisa cu nan no ta haya suficiente informacion, pa nan por midi si e presupuesto aki ta realizable of no, e ta mustra cu CAft su opinion aki no ta cuadra cu realidad.

E realidad ta cu tin e cuater rapportnan menciona, pues tur cuartal, cuentanan anual, tin reunion riba nivel publico y riba e aspecto di gobernacion mes.

CAft a bolbe puntra kico gobierno ta haci cu e consehonan cu nan ta duna, y gobierno a bolbe contesta esaki. Nan ta puntra entre otro, tocante e fondonan di e Crisis Social Plan, cu gobierno a dicidi cu ta bay atende esaki, na un manera serio y a bin cu un fondo apart pa asina durante dos aña ekipa gobierno cu e man di obra necesario. E dignatario a expresa cu hende mester deal cu hende y den e caso aki nos pais pa largo tempo no tabata tin suficiente hende pa atende cu e aspectonan social y pesey e gobierno actual a institui e presupuesto pa e Crisis Plan Social, den un presupuesto apart.

 

- Advertisement -

DUNA COMENTARIO

Please enter your comment!
Please enter your name here