Home General Calender cu pintura di Arubiano pa Iniciativa Nacional na Hulanda

Calender cu pintura di Arubiano pa Iniciativa Nacional na Hulanda

37
0
SHARE
- Advertisement -

ORANJESTAD (AAN):  Despues di Orcan Irma, cu a causa e desaster mas grandi den historia di Sint Maarten, Dutch Orange Company BV / Stichting Oranjefeesten Apeldoorn, cu presidente sr. Simon Boon y cu apoyo di KBOV (Liga pa tur Oranjevereniging na Hulanda), di algun artista famoso di Caribe na Hulanda en cooperacion cu gobierno di Sint Maarten, a lanza un Iniciativa Nacional pa yuda e sector cultural di Sint Maarten.

Royal Talens a regala un gran cantidad di pintura na Sint Maarten, cu a wordo manda pa NIA (National Institute of Arts) pa nan por yuda desarolla y alivia e desaster den sector cultural na Sint Maarten. Royal Talens Foundation kier anima y apoya e iniciativa, tambe organisando workshops, demostrando un balor añadi di intercambionan cultural, riba tur nivel, entre e diferente partinan di Reino.

Un exposicion itinerante di artistanan interacionalmente conoci di Aruba, Curaçao y Sint Maarten ta parti di e iniciativa ‘Estafette di Arte y Cultura pa parti di Reino Sint Maarten’, di e organizacion di Oranje.

Participantenan Sir Roland Richardson . Tess Verheij , Melvin Anderson , Bikkel y Gustave Nouel ta algun di e artistanan mas famoso y/o mas reconoci internacionalmente di e parti Caribeño di nos Reino.

Desde diabierna 22 di februari te cu 16 di maart 2019, e exposicion aki lo por ser admira na ARToMoNDo, na Nieuwstraat 20, den centro di Deventer. Annex na e exposicion aki tambe por bishita un exposicion di pintura di ‘Oranje’ di GN na Centro di Encuentro ‘De Ontmoeting’, net otro banda di caya, na Nieuwstraat 19-21.

Na ‘De Ontmoeting’ algun pintura di Gustave Nouel por wordo admira, cu ta den e calender especialmente publica pa e iniciativa nacional aki. E calender pa Dutch Orange Company BV, cu apoyo di KBOV y gobierno di Sint Maarten, a ser diseña pa ‘Een Reklameburo’ ) hunto cu Gustave Nouel .

Actual Comisario di Rey na Gelderland, Sr. John Berends, simbolicamente a cumpra e prome calender di e Arubiano Gustave Nouel, durante start oficial di Dia di Rey 2018, na Oranjepark, tempo e tabata burgemeester ainda di Apeldoorn.

E calender di Oranje Nacional aki, por ser cumpra na Apeldoorn entre otro na museo CODA. Na Deventer e.o. na ‘ARToMoNDo’ y ‘De Ontmoeting’. Tur ganashi di benta di e calender di Oranje aki ta destina pa proyectonan cultural na Sint Maarten.

Culminacion y clausura di e iniciativa aki pa pidi atencion y pa apoya sector cultural di e parti di Nos Reino den Caribe afecta, lo tuma lugar na Apeldoorn, caminda ela cuminsa, riba ‘Koningsdag’ y riba ‘Bevrijdingsdag 2019’, den Grote Kerk.

 

- Advertisement -

DUNA COMENTARIO

Please enter your comment!
Please enter your name here