Home Suceso Candela grandi na garashi di Sta. Martha ayera mainta

Candela grandi na garashi di Sta. Martha ayera mainta

125
0
SHARE
- Advertisement -

ORANJESTAD(AAN) — Na Santa Martha diamars mainta na un garashi, pa mas o menos  11’or un candela a tuma lugar y cu a destrui cantidad di auto.

Tabata un oficial di ambulance cu a pasa den vecindario a ripara e huma saliendo y a yama brandweer. Personal di e garashi mes a cuminza na combati e candela cu tabata mucho pa nan pero Brandweer cu a yega poco despues a pone man na obra mes ora y trata evita e candela di plama for di e garashi y extende pa casnan den vecindario.

Den e garashi tabata tin ademas di autonan, tambe piezanan di auto, cu a bay perdi.  A scucha explosionnan cu a tuma lugar pero esakinan no tabata bao di e garashi pero pafo di e garashi y tabata tin di explosionnan di tirenan cu a pega na candela y a explota debi na e cayente.

No tabata tin boter di kimico, jugnan di gasoline y tankinan di gas den vecindario ya cu esakinan  tabata bon warda bao di un dak for di unda e candela tabata.

Na e momentonan cu a saca e potretnan no tabata conoci cuanto auto lo a kima na e momentonan ey di e mas di 15 auto menciona.

Mester agrega cu e habitantenan den e becindario, entre nan di Wayaca Residence tabata preocupa ya cu e candela tabata basta cerca di nan cas y tambe di un scol, esta International Scol.

Ta hopi e huma cu a bay den nan direccion y cu a afecta e bario.

 

- Advertisement -

DUNA COMENTARIO

Please enter your comment!
Please enter your name here