Home Enseñanza “Caracteristicanan di personalidad cu ta yuda studiante alcansa exito”

“Caracteristicanan di personalidad cu ta yuda studiante alcansa exito”

53
0
SHARE
- Advertisement -

Studiantenan di EPI a ricibi lectura:

ORANJESTAD (AAN) – Den cuadro di desaroyo strategico di talento y descubri proposito di nos hobennan, Sra. Sharleen Tromp kende ta un docente di profesion, como tambe un ‘Desaroyado di Talento’ certifica a tene un lectura na Colegio EPI diamars ultimo pa Hunta di Conseheria di Studiante y studiantenan di Hospitality and Tourism, titula ‘Personality traits that help students succeed.’- Caracteristicanan di personalidad cu ta yuda studiante alcansa exito.

Un materia ta diseña pa yuda hobennan compronde nan mes, nan capacidad y habilidadnan como tambe acepta nan fortalesa y debilidadnan. Un materia cu ta sea yuda hobennan haya direccion, of establece nan siguransa cu locual nan ta haciendo, ta e direccion corecto.

“Nos di Student Council ta un grupo di studiante y boluntario cu ta organisa trabou boluntario y lecturanan. E ta un concepto pa yuda e studiante crece y prepara pa e industria di turismo. Ami mes personalmente a haya henter e workshop di 2 dia di Juffrouw Sharleen y a pensa mes ora cu esaki ta un bon materia pa nos studiantenan. E lo yuda compronde nan mes un tiki mas y desaroya nan pa e industria,” Dailinis Toro, miembro di Hunta di Conseheria di Studiante, kende tambe ta un studiante den su ultimo aña di Hospitality and Tourism a bisa.

E materia ta diseña pa elimina ‘perdemento di tempo’ unda e studiante no lo scoge un estudio, proyecto of un ‘stage plek’ pafo di e su direccion apunta. Tambe e ta yuda hobennan traha den ekipo di manera mas efectivo, compronde nan colega miembronon di e ekipo cu nan ta forma parti di dje durante nan trayectoria profesional, nan personalidad, fortalesa y debilidadnan. Hobennan a haya un miho bista, comprondemento, como tambe compasion pa otro cu kisas den pasado, tabata tin e tendencia di irita nan pa motibo di e falta di e comprondemento aki.

“E lectura di awe tabata sumamente interesante, mi a siña hopi. Mi a identifica mi personalidad y su caracteristicanan awe, y kico e cosnan ta cu mi mester bay traha riba nan pa mehora mi mes den area di mi relacionnan y trahamento den ekipo. Tambe loke mi tabata mira como un debilidad den otro, hustamente ta nan fortalesa pa e rol cu a nan tin di ehecuta den e bida aki,”  studiante Renea Lindo, kende ta den su prome aña den Hospitality and Tourism a bisa.

“Den mi caso, mi tabata sa basta punto di mi mes caba, pero ora mi a haya e workshop aki, ela ‘connect the dots,’ – conectando tur cos na otro, a trece awo un claridad 100% pa mi. Na cuminsamente mi tabata tin duda den cua personalidad mi ta cay, pero na final di e lectura mi a compronde mi personalidad y tur su caracteristicanan. Mi a por a identifica nan claramente den mi. El a permiti mi compronde mi mes, na un nivel mas halto y mi ta recomend’e pa tur hende,” Dailinis Toro a termina bisando.

 

- Advertisement -

DUNA COMENTARIO

Please enter your comment!
Please enter your name here