Home Policial Chauffeur den SUV a dal tras di un ciclista na Malmok

Chauffeur den SUV a dal tras di un ciclista na Malmok

206
0
SHARE
- Advertisement -

ORANJESTAD (AAN): Diadomingo atardi ariba e caminda di Malmok pa Arashi, banda di tres trapi, un chauffeur masculino den un Kia Sportage a dal tras di un ciclista. E homber riba e bicicleta a cay  y a resulta levemente herida.

Mesora, agentenan di Strandpolitie a presenta na e sitio pa dirigi e trafico mientras tabata warda polis di trafico y ambulans.

Un rato despues paramedico a presenta y a atende cu e victima, mientras cu polis a tuma informacion di e victima, y di testigonan na e sitio.

E victima a wordo transporta pa hospital. Mientrastanto e accidente ta bou investigacion pa Polis di trafico ya cu testigonan a mira con e auto a dal tras di e ciclista y lo tabata kier a bay di e sitio, pero a bay para algun meter leu di e sucedido.

- Advertisement -

DUNA COMENTARIO

Please enter your comment!
Please enter your name here