Home Hudicial Cinco sospechoso den caso IBIS declara liber

Cinco sospechoso den caso IBIS declara liber

197
0
SHARE
- Advertisement -

ORANJESTAD (AAN): Diabierna  mainta Hues a dicta sentencia den e caso IBIS. A dura practicamente tres ora promer cu Hues a caba cu tur e sospechosonan. Hues a parti e 23 sospechosonan den diferente grupo. E sentencia di Paul Croes el a duna ultimo.

Den e articulo aki, DIARIO ta publica tur e cinco sospechosonan cu Fiscal a exigi castigo pero Hues a declara nan liber pasobra Hues no ta haya cu nan a haci nan mes culpable di a cumpra ex minister Paul Croes pa haya dispensacion di permiso.

    CINCO SOSPECHOSO DECLARA LIBER:

Hues a bisa cu tin un cantidad di empresario sospecha di a cumpra Paul Croes.

Den caso Mario Arango Quinceno, Hues a bisa cu Arango Quinceno a haci donacion na Sonrisa riba peticion di Paul Croes. Hues no ta haya cu Arango Quinceno su interes tabata pa cumpra Paul Croes. Na opinion di Hues, Arango Quinceno a haci’e pasobra e yiu di su señora ta na Sonrisa. Hues a declara Arango Quinceno liber.

E Chines Tat Yan Cheng, Hues ta haya cu Cheng tabata paga Filiciana pa por regla permisonan pa trahadornan. Hues a mustra cu Cheng a bisa cu e no tabata sa cu parti di e placa cu e tabata paga Filiciana ta pa Paul Croes. Filiciana tambe a bisa cu Cheng no tabata. Hues ta haya cu Cheng tabata usa un tramitador pa haya permiso. Esey ta haci cu e no ta culpable y Hues a declara Cheng liber.

  HUEZ NO TA HAYA CU NAN A “CUMPRA” PAUL CROES:

Hues a sigui cu Ninosca Nuñez, kende tabata tramitador pero no tabata sa cu Schwengle y Filiciana tabata mal us’e. Hues a bisa cu Nuñez tabatin bon relacion cu Paul Croes y tabata paga pa proceso di permiso. Hues ta haya cu Nuñez no a haci regalo of pago na ex minister Paul Croes pa haya dispensacion. Hues a bisa cu tin tapnan cu ta mustra sospechoso pero e mencion di cifranan no ta mustra cu ta cumpramento di e ex-minister. Hues a declara Nuñez liber.

Hues a bisa cu Robio Di Vecchia tin bon relacion cu Paul Croes. A ofrece discuento pa instalacion di airco pa Paul Croes su oficina. Fiscal ta considera esaki un regla door duna descuento hopi halto. Hues no ta considera esaki un regalo. Hues a bisa cu Di Vecchia a mustra lista di otro descuento cu a duna otro clientenan. Pesey Hues a declara Di Vecchia liber.

Hues a sigui cu Rudmilla Martinus. Hues a bisa cu pa añas Martinus tin un bon relacion cu Selma Arends y cu Arends tabata haya comision ora bende carchinan di concierto. Hues ta haya cu e hecho cu Martinus ta papia cu Arends riba permiso pendiente y tambe e compra di carchinan pa concierto no ta cumpramento. Hues a declara Martinus liber.

- Advertisement -

DUNA COMENTARIO

Please enter your comment!
Please enter your name here