Home Enseñanza Colegio Arubano ta celebra su 60 aña di existencia

Colegio Arubano ta celebra su 60 aña di existencia

122
0
SHARE
- Advertisement -

Colegio ta subi caya: Parada di Carnaval dia 1e di maart

ORANJESTAD (AAN): E aña aki Colegio ta existi 60 aña. Den e decadanan aki scol a yuda miles di alumno Arubiano riba caminda pa bira adulto. Cu esaki Colegio Arubano a adkiri un luga importante den enseñansa di nos isla. Na 2019 lo tin hopi actividad y celebracion pa tur alumno, personal, ex-alumno y otronan relaciona cu scol.

Parada di Carnaval: 1e di maart 2019

Colegio ta cuminsa den e temporada di Carnaval, cu e atraccion cultural mas grandi di Aruba y pa e scol. Dia 1e di maart proximo di 10:30 te cu 13:30 a organisa un parada di Carnaval pa tur alumno, docente y personal rond di scol.

E banda Buleria y Massive Brassband lo compaña e alumnonan. E ruta di e parada ta via Entertainment Center – Dakota, ta tuma direccion pa Banco di Caribe, ta drenta Vondellaan pa bolbe Colegio. E parada ta masha special: ta mas cu 22 aña pasa cu a organisa un jump-up pa e alumnonan y personal di Colegio Arubano. 

T-shirt cu logo “60 jaar Colegio Arubano”

Durante e parada e alumnonan por bisti e T-shirt cu e logo, specialmente diseña na ocasion di 60 aña di existencia di Colegio Arubano. E benta di T-shirt a cuminsa caba.

 

Actividad pa recauda fondo pa Proyecto di Biahe di H4

Na april Havo 4 ta bay Ecuador pa un biahe di estudio. Mescos cu añanan anterior, ta cubri e gastonan di e biahe pa medio di recaudacion di fondo (fundraising).

Cu e meta aki ta organisa un actividad den cual 10 damita lo participa na e eleccion di princesita, reina hubenil y reina grandi di Colegio Arubano, diasabra dia 16 di februari. Boso ta bonbini y por cumpra carchi ainda cerca e alumnonan di H4.

- Advertisement -

DUNA COMENTARIO

Please enter your comment!
Please enter your name here