Home General Comehein por haci cas of edificio hopi mas daño di loke cualkier...

Comehein por haci cas of edificio hopi mas daño di loke cualkier persona por kere

384
0
SHARE
- Advertisement -

Entrevista cu Vicente Krozendijk:

ORANJESTAD (AAN) – Comehein ta un plaga cu no por mira facilmente, manera si por wak vruminga, raton, cacalaca, entre otro.

No obstante, na un manera scondi e comehein por haci hopi daño den cas di hende, ya cu nan ta alimenta di palo den plafond di cas, tapijt, mueble, etc.

Na Aruba tin hopi construccion (cas, edificionan comercial, scolnan, etc., cu ta yena cu comehein) y si no trate na tempo, e dañonan causa por ta ireversible.

Den un entrevista cu sr. Vicente Krozendijk, ken pa hopi aña tabata Hefe di GKMB, pero cu tin hopi conocemento y experiencia encuanto tur tipo di plaga, el a splica nos tocante e problema aki.

Na paisnan latino e comehein ta conoci como termita of comején. No solamente material di palo nan ta come pero tambe mata y palonan di mata cu tin partinan seco, morto.

“No obstante cu e comehein su grandura ta minusculo, nan por destroza cu nan boca pidanan grandi di cuminda, causando dañonan severo den viviendanan y ademas hopi costoso.

“Hopi biaha diripiente den un cas of edificio por mira un strepi preto delega, cu ta parce tera, ta sali for di dak bin abao riba muraya, y e persona podise no sa kico e ta y e ta busca un spons cu awa y habon, of pasa un skeiro cu cualkier producto pa haci e muraya limpi. Esey kiermen cu den e dak di cas, net den e palonan di plafond tin un problema serio caba cu comehein” sr. Krozendijk a splica nos.

Tambe sa sosode cu por mira esaki na un caminda di e cas so of den diferente otro muraya di cas.

Sr. Krozendijk ta splica nos cu e unico solucion ta fumiga. “Awendia tin diferente producto riba mercado cu e persona mes por uza si e por subi dak y spuit esaki, pero si e trabao wordo haci pa expertonan ta hopi mihor. Mi ta recomenda productonan cu no ta dañino pa e salud di hende ni di e mascota di cas”.

Cu fumigacion por extermina e problema sea permanentemente, of si e palo den dak ta hopi daña e producto por elimina tur e comehein bibo, su webonan y esnan recien naci, sinembargo ta recomendable pa preveni fumigando, alomenos cada dos aña.

“ Na Aruba no tur hende ta conciente di e problema di comehein y no ta preveni esaki. Pero den construccionnan nobo por proteha contra comehein no obstante no ta presente den e dak, pa ta sigur cu un plaga lo no invadi of dak despues of e cas pafo”, sr. Krozendijk a señala.

No mester laga e problema bay foi man te cu por yega na extremo cu mester basha full e dak di un edificio of cas abao, pa motibo di comehein. Semper ta mihor preveni cu lamenta, y ta conciente cu comehein si no wordo ataca for di cuminzamento cu tin indicacion cu ta “hospedando” den bo cas, e situacion por bira hopi serio y hasta ireversible. Comehein por causa mas daño cu hende por kere!

- Advertisement -

DUNA COMENTARIO

Please enter your comment!
Please enter your name here