Home Social Con pa enamora bo pareha tur dia

Con pa enamora bo pareha tur dia

54
0
SHARE
- Advertisement -

Hopi persona ta comete e eror di descuida su pareha cu tempo, lubidando e balioso detayenan cu nan tabata realiza durante e epoca di conquista. Loque ta berdad ta cu amor mester ser cultiva cada dia.

E  rutina y falta di interes ta e principal enemigonan di relacionnan amoroso, tambe ta culpabelnan cu hopi pareha ta separa.

E bunita mensahenan di amor ta sigui ta un estrategia infalible ora ta trata di namora bo pareha cada dia mas. Dedica poemanan romatico cortico y frasenan pa enamora ta di hopi ayudo pa preserva e amor den un relacion. Si cada dia bo dedica frasenan bunita na bo media naranja, e chispa di amor ta keda sendi.

No ta existi un regla fiho ora ta trata di elegi frasenan di amor pa  un persona di cual bo ta comparti bo bida. Bo por crea frasenan di bo propio inspiracion of uza mensahenan di un otro persona. Importante ta cu e palabranan realmente ta expresa loque bo ta sinti.

No elegi cualquier frase pa dedica na bo pareha. Solamente selecciona mensahenan cu ta expresa sentimientonan y ta yega na curazon di e otro persona. Bo pareha conoce bo bon, asina ta cu e sa ki ora bo a scohe un frase cu determinacion of simplemente pa haya algo.

Prome cu bo dicidi cual mensahe bo ta bay dedica, cera bo wowonan pa un momento y pensa den bo pareha. Purba analiza loque bo ta sinti pa e persona, e bon cu bo a pasa ora bo ta cu ne, tur loque el a aporta na bo bida, con hopi bo ta gradicie pa su dedicacion….en fin, shake up bo curazon pa bo reflecciona bo sentimientonan.

No ta necesario cu e frase ta exclusivamente romantico. E por ta un frase di un pelicula cu boso ta gusta of di su buki faborito, incluso e por ta un frase di refleccion cu ta penetra den profundo di su curazon.

Sinceridad ta lo mas importante ora ta trata di frasenan pa bo pareha. No bisa algo cu bo no ta sinti pa e simpel hecho cu e ta zona bunita. Si bo ta pasando pa un etapa dificil cu bo pareha, ta e momento perfecto pa rebiba e amor.

Frasenan di amor ta e perfecto acompañante pa e regalo tur dia cu bo ta duna bo pareha. Si bo kier preserva e amor cu ta existi den bo relacion, e ta un excelente decision pa hacie un regalo of un detaye diario pa e persona special. E no mester ta un regalo caro, simplemente un flor of un desayuno. Di e forma aki e pareha ta sintie stima, e sa cu bo a tuma bo tempo pa eligi e regalo y hacie sinti special. Tur persona ta desea di sinti nan mes stima y sa cu nan ta ocupa un  lugar importante den curazon di e otro persona.

E frasenan di amor bo por bisa e persona na telefon of via un email, den un carta, riba rednan social, whatsapp etc. No ta importa e medio cu bo ta eligi pa expresa bo amor, e clave ta cu bo ta habri bo curazon y bo ta cultiva bo relacion tur dia.

 

- Advertisement -

DUNA COMENTARIO

Please enter your comment!
Please enter your name here