Home General Crea fondo pa pago local cu entrada CITGO

Crea fondo pa pago local cu entrada CITGO

91
0
SHARE
- Advertisement -

Aruba no por keda man crusa den crisis mundial

*Confisca productonan di petroleo pa sigura mercado

*Cualkier instancia cu Venezuela debe, por tranca situacion 

ORANJESTAD  (AAN) — Manera semper DIARIO a spierta, mientras no tabata tin ningun siguridad cu CITGO lo por a honra e acuerdo cu Aruba, a entrega CITGO e mercado di benta di producto petrolero local. Expertonan ta mustra cu awor Aruba mester coregi e eror di a entrega regimen Nicolas Maduro e mercado di Aruba mientras tabata conoci cu e si lo no por a cumpli cu e contracto.

Awor falta di cumplimento di e contracto mester subi mesa. E contracto no a ser honra pasobra e refineria nunca a drenta operacion. Awor Aruba mester confisca e propiedad di Venezuela, cu ta PDVSA, cu ta CITGO pa no papia mes di Rusia.

E forma cu Aruba a atende cu refineria tabata iresponsabel. A permiti desaroyonan inaceptabel den un relacion comercial basa riba un acuerdo cu buraco. Pero ni e buraconan tabata evita cu Aruba por a actua cu determinacion.

A atende e situacion sin a firmesa cu peligernan tabata exigi, manera semper DIARIO a mustra. Na e momentonan aki no por sinta warda mas, pero tin cierto pasonan cu mester tuma si kier evita situacionnan sumamente desastroso pa Aruba.

Riba tereno legal falta di responsabilidad pa actua, tin resultadonan serio pa un pais y Aruba na e momentonan aki mester confisca tur propiedad di CITGO na Aruba.

E propiedadnan aki ta consisti di tur ekipo cu CITGO por a trece of introduci na Aruba. Propiedad ta sigur e productonan di petroleo presente na Aruba pa uzo local, pa avionnan of pa transportacion pa exterior.

Mester confisca tur entrada di CITGO pa medio di benta di producto na pompnan di gasolin pero tambe entre otro na aeropuerto. Mester haci cu e placa cu drenta ta bay directamente pa un fondo for di cual por paga e trahadonan y tur cu CITGO tin compromiso comercial mara na compromiso comercial.

Mester uza e acuerdo cu a firma cu CITGO y den cual CITGO a mara su mes pa na 2018 habri e refineria. CITGO no tin derecho di uza sancion di ningun pais contra e hecho cu e no a logra cumpli cu e acuerdo.

Aruba por uza hurisprudencia di casonan cu a tuma luga pa confisca propiedad di PDVSA ultimo añanan

CITGO a mara su mes na realisa un proyecto di 1Biyon na Aruba y e no a cumpli. Venezuela a firma y awor Aruba no por bay spera kico ta pasa.

Informantenan a adverti cu si awor Aruba no actua, por spera problema serio pa Aruba.

Informacionnan di DIARIO riba e papel cu Rusia ta hunga den CITGO ta demostra cu Rusia tambe por exigi cu e ta haci uzo di su fondonan pa actua.

E situacion ta sumamente alarmante y Aruba no por sigui en espera di CITGO ni PDVSA ni Venezuela pero mester actua awor.

Mientrastanto publicacionnan di expertonan mundial ta mustra cu mas largo e actual conflicto dura mas serio e por bira. Aruba awor por actua y mester hacie.

DIARIO lo sigui informa Aruba.

- Advertisement -

DUNA COMENTARIO

Please enter your comment!
Please enter your name here