Home Salud Departamento di Salud hunto cu otro instancianan lo parti 2 mil tas...

Departamento di Salud hunto cu otro instancianan lo parti 2 mil tas cu articulonan di proteccion personal

14
0
SHARE
- Advertisement -

Durante e proximo paradanan di Carnaval

ORANJESTAD (AAN):  Den e simannan aki di Carnaval Departamento di Salud Publico lo ta repartiendo un tas, hunto cu otro instancianan (FADA, Zinnia, Famia Planea y Wit Gele Kruis)  den cuadro di e campaña “Mi escogencia tin consecuencia”.

A enfoca riba diferente factor di risico y den e tas aki lo tin diferente articulo di uso personal y di proteccion personal, Jurette Croes, vocero di DVG a indica.

Na total lo reparti 2 mil tas durante e paradanan cu ta na caminda. Mester enfatiza cu e tas aki no ta pa mucha, sino pa hobennan di 15 aña bay ariba y adultonan.

Den e tas lo tin un earplugs, handsanitizer, bril di solo cu ta proteha contra rayonan ultravioleta, sunblock, foyetonan informativo, un condom pack, como tambe e sticker di #AMIGODIDI pa no core bao di influencia di alcohol, items di e diferente fundacionnan.

E tasnan lo wordo reparti entre un pa dos ora prome cu e parada cuminza, den e ruta, Croes a remarca.

 

- Advertisement -

DUNA COMENTARIO

Please enter your comment!
Please enter your name here